立場新聞 Stand News

區議員真心為民?鉛水風波看出的端倪

2015/8/12 — 13:02

「鉛水風波」越演越烈,繼上星期又多三條公屋屋邨中招,上星期連馬鞍山欣安邨都被驗出食水含鉛。城中人心惶惶,依家不論建制派定泛民,都變晒反對派,槍口一致隊爆政府,但事實當然唔係咁啦!叫得做「建制派」,又點會忽然轉死性? 



好似水泉澳邨之前涉嫌出事(雖然之後政府證實水泉澳邨食水安全),沙田區議會請咗政府官員去同居民討論,民主黨區議員丘文俊要求與會官員飲杯用邨內涉含鉛嘅,但遭區議會主席質疑要求不當,一眾區議員最後更否決其建議。

須知道,沙田區議會主席係公民力量嘅何厚祥,而親建制嘅公民力量喺沙田區議會擁有最多議席(14個民選+1個委任),被喻為「沙田執政黨」,能夠向政府施一定壓力,卻竟然幫政府官員解圍,實在好難說服人話佢企喺市民嗰邊。

廣告

最有趣嘅係,當建議被否決後,丘文俊衝上前逐一斟水畀官員,竟然有一位官員帶笑飲用。連政府代表都起碼做下樣飲兩啖,一眾區議員卻竟然公然為官員擋駕,更加唔好講佢哋會試飲鉛水,感受下市民嘅憂慮,仲好意思話自己代表市民?

中招嘅屋邨可能會繼續增加,而由建制派把持嘅區議會,亦會一如既往,堅定地幫政府暗暗拆彈。即使班建制派立法會議員話要睇下政府成立嘅調查委員會查成點先再決定是否運用權力及特權法(P&P),但根據佢哋嘅往績,咪又係會例牌鬧爆政府,但又否決P&P!真係唔可以再上建制派嘅當!

廣告

 

原刊於2015選戰 顛覆區議會!

發表意見