立場新聞 Stand News

區議會會務系列(二)說好的監察政府呢?

2015/7/29 — 18:32

除大會會議,區議會都會透過不同委員會及工作小組去履行職務。舉例,觀塘區議會就有7個委員會及15個工作小組,其中社會服務委員會負責監察區內各類社會服務 (教育、醫療、老人及青少年服務等)的需求和服務質素,房屋事務委員會就關注區內房屋的興建、管理和維修時遇上的問題等等。

觀塘係全港貧窮人口最多嘅地區,長者多,公屋又密集,而區議員嘅工作關乎地區發展,經常要接觸街坊,所以有大量社會服務及房屋問題需要向政府反映和跟進不足為奇,但今屆社會服務委員會21次會議中,實際上只有4個項目係由委員自己提出,連埋審批活動大綱和撥款嘅時間(題外話︰委員會亦都會負責審批不同的活動撥款,但係委員會往往只係用幾分鐘時間就已經審批完畢,唔通班委員真係一條問題都冇?),佔整體會議時間都只有兩成,其餘時間都是用於討論政府提出的項目。同樣,房屋事務委員會亦只有6個討論事項係由委員倡議,其餘8成時間都是處理政府提出的議程。本來區議會俾建制派控制,都預咗佢哋喺大會都只係做舉手機器,但連檢討民生服務都處處由政府主導,小編實在睇唔透佢哋可以點監察政府。

仲有,雖然話就話開次會要用一兩個鐘,但只要翻查錄音紀錄,就發現有時開會,淨係「等埋發叔」都已經嘥咗唔少時間,短則三五分鐘,最誇張一次等咗足足23分鐘先齊人正式開始會議,但區議會嘅紀錄竟然當埋呢段時間係會議時間,你都咪話唔多水份。

廣告

 

原刊於〈2015選戰 顛覆區議會!

廣告

發表意見