立場新聞 Stand News

【區選大軍系列之三】公民黨譚文豪:公屋重耐力 私樓重技巧

2015/7/24 — 19:29

不曾出任立法會議員或區議員,而又在做地區服務的人中,公民黨的譚文豪(Jeremy)可算是較為知名,也獲得較多傳媒報道的。這跟他的職業有莫大關係──他是飛機師,經常就航空相關問題接受傳媒訪問,目前也是公民黨機場三跑關注組的召集人。

私樓區注重規劃發展

本系列前兩篇的訪問對象──區諾軒和黃潤達主力服務公屋區。Jeremy認為,好像他這類新人,在私人屋苑開拓地區工作,較在公屋區容易。「今時今日公屋打得贏非常非常叻,我真係好尊敬。」他目前在麗港城地區工作。

廣告

「第一,屋邨人哋(現任區議員)已經有辦事處。私樓商場係公開,全部(商舖)都係可以租。我自己喺麗港城冇辦事處,但起碼平台係開放先。你要,你有錢,你租到。唔同話公屋,有錢都租唔到,領匯唔會租俾你,因為唔能夠吸引人流,又唔合商場格局。」

「第二,公屋流動性低,撬對方票係更加難,私樓始終有買賣。」

廣告

第三,Jeremy指出,公屋戶要求區議員可以幫助到他們的日常生活,例如申請鐵閘、調遷、加戶。這有利有全職職員的政團。相反,私樓區不需要每天貼身幫忙的區議員,反而需要做個案、規劃、地區發展的人。

「中產區好多本身係專業人士,教育水平較高,好少有真係搞唔掂嘅嘢。所以好少會主動搵你幫手,一般嘢自己搞掂。真係搵到你嘅時候,難度(反而)高啲。」他補充,目前麗港城的區議員也不是全職。

Jeremy處理過的地區議題,包括去年跟居民爭取城規會否決在麗港城附近興建酒店,而且指出不少支持發展的簽名有造假之嫌,以及以交通負荷太大為由,反對前茶果嶺高嶺土礦場用地發展為住宅區

當然,街坊有時也會找他解決日常事務。他記得有一次,洗衣店弄失一位街坊的衣服,街坊找他來調停。他就幫忙爭取合理賠償。

從獨立參選到入黨

2007年,他第一次參選東涌北區議會選舉,希望透過區議會改革社會。那次由公民黨林有嫻以554票勝出。他以獨立身份、素人出戰,得到441票。

2010年,他成為公民黨員,翌年接替林有嫻出選。他認為政黨能有更大力量推動政府,而且可以分擔地區工作。「如果一腳踢,又拎唔到橫額,官又唔睬你,一屋都係物資,所有文宣工作都要自己做。」

他選擇了公民黨:「我用咗兩三年睇唔同政黨利弊,當時嘅當區區議員係CP(公民黨),另一樣係邊個政黨接近我想做嘅嘢,公民黨係比較接近我嘅。公道同均真。港珠澳大橋又好,外傭案又好,其實睇返轉頭,我哋錯嘅嘢係乜呢?唯一有錯嘅,係觀感,(被認為)呢兩單案係公民黨策劃。」

他認為,這兩宗官司是他在2011年敗選的原因之一。「對手乜都唔駛做,日講夜講,你話佢哋易唔易打?」那次,他以1,177票敗給對手林悅的1,509票。

2012年立法會選舉,Jeremy原本被安排在新界西協助郭家麒,後來因為公民黨的選舉策略有變,由余若薇配搭郭家麒,安排他去九龍東。「想搵個後生啲嘅人拍住傑哥(梁家傑)選九東,我唔介意,幫下手,希望個黨攞多啲票數。」選舉後,他留在九龍東,主力服務麗港城。他解釋,麗港城的得票率是九龍東選區最高,有利日後開展工作,二來希望透過地區工作報答居民。

區議會要改革

談到區議會,Jeremy深感民眾未能有效跟進議會事務。他認為政府要做更多諮詢,以及定期諮詢會:「喺就腳地方,起碼上千萬嘅工程,要做大型展覽,有官員坐一日兩日,每三個月update下有乜工程,解答居民。」

他甚至建議,把目前的會見市民計劃,改成更多互動交流的匯報會:「未來諮詢區議會嘅工程,俾街坊睇睇,有乜最新發展,當值區議員可以解釋俾市民聽,下次開會討論下。」

區議會本來就是代表居民審議地區事務,為何要多此一舉,舉行大型諮詢匯報會?Jeremy認為,如果選民的政見跟區議員不同,他們或者不會找這位議員了解當區事務。大型諮詢會就彌補不足。

輸了兩屆,Jeremy仍然堅持做地區工作。「好多人有好多理由去唔做一件事,我覺得唔做就一定做唔到。唔好怕放下面子,唔好怕失敗,如果吓吓諗住怕輸,驚住做唔到所以唔做,咁就一世都唔駛做。」

 

原刊於2015選戰 顛覆區議會!

發表意見