立場新聞 Stand News

【區選大軍系列之五】工黨麥德正:唔鬧你衝擊已經係勝利

2015/8/20 — 12:49

這次訪問,與其說是了解工黨麥德正的地區工作,倒不如說是聽他分享如何理解群眾。

他長年參與社會運動,曾經任職街工、民陣、職工盟等組織,也出任過民陣七一遊行的負責人。自小在灣仔長大,曾帶過當區的「猛鬼導賞團」,藉此介紹社區。兩年半前,他落戶西灣河,成為工黨當區的社區幹事。

廣告

接觸街坊都是政治活動

他到西灣河,是因為該黨認為這個地區有潛力,加上工黨有立法會議員在該區設有辦事處。他相信,要把工黨的理念帶入社區:「工黨係職工盟有份催生嘅,延續緊企喺勞工權益嘅政治路線。我做地區工作都係為黨做嘢。」

廣告

工黨還有兩位黨員在相連的區議會分區工作,希望互相合作,更有效運用資源。

這個社區私樓林立,新人難以洗樓。於是他在平日上下班時候,站在街頭叫咪,讓街坊認識,聆聽街坊意見。他派傳單,製作社區報,公開地區工作進度。他喜歡為街坊解決社區問題,由處理爆水管到改善行人過路處都有。

他從來不會小覷這些表面看來瑣碎無聊的事務,認為這對民主派政團尤其重要:「人就唔係吓吓講理念,參加過活動,認得你,你喺街派傳單,佢會零舍留意,由佢同你講佢對衝擊好反感,到佢唔會拎呢嘢鬧你,都已經係勝利啦。政治活動唔係只係上議會立個議案,有系統接觸街坊亦都係,傳達理念,有軟有硬,有街頭有室內,有個人有集體。」

過程中,他感受到西灣河一帶的社區緊密得很:「呢度係個超級社區。啲人好多都有關,住嚟住去都喺東區,唔會去第二區住。舖頭亦同居民連結,呢樣嘢好值得保留。」

群眾短視因資訊不足

阿正不會浪漫化群眾。他看到群眾往往有自私自利的一面,因為社會不鼓勵集體討論,居民要求即時好處,思考未夠全面,不會想對社區的影響。他舉了鄰區在愛信道與興民街之間的「綠在東區」環保站為例子。「嗰度本來係小巴站,計劃興建牙籤樓,居民反對。起樓一來阻住景觀,二來阻住風流動。之後起環保站,佢地以為等於垃圾站,亦都反對……喺街坊認識裡面,環保站等於垃圾站,垃圾站等於衰嘢,唔應該喺我隔離。」他稱,有建制派區議員在鼓動民眾反對設站。

「後來政府改名做『綠在東區』,推廣環保教育為主,收集為次,亦都俾保良局去運作。咁呢單嘢,見到有啲嘢民粹起嚟都幾差,呢個區連電子廢物都冇得收集,我覺得好可惜。政府肯搞,係長期民間運動嘅結果,呢個產物唔係政府憑空想像。」

「綠在東區」暫定本月試業。阿正希望,到將來,環保站的真正用途為人所知後,再監察不足之處,而非一開始就說成功爭取或大力反對。

既然群眾有自己的想法,那麼政治人物是否會跟隨群眾?阿正反指,群眾很多時因為被操控,或者無暇消化資訊,才會做出不利整體的決定。他認為,政治人物需要真誠,能力只是其次:「做地區工作,就唔好放假消息。有啲人會操控群眾,點解搞到群眾變傻仔,係因為你唔真誠,扣料,資訊唔開放,或者操控你想見到嘅結果。於是群眾咪咁囉。」

「我搵嘅資訊唔係秘密,只要你上網搵下文件都會搵到。但係你好難期望一般市民抽到時間出黎,唔係佢冇能力。咁我哋將好大精力擺喺呢度,梗係有優勢,既然有呢個優勢就要向群眾交代。」

泛民要有長期在野準備

阿正堅持,民主派要奪取議席,一定要守區。他特別提到,民主黨的地區工作值得大家重視,至今它仍是在全港多處有基礎,能在地區對抗民建聯的政團。

同時,他表示,泛民政黨不應奢望在短期內執政,尤其是當缺乏談判籌碼時,不應與政府和建制派妥協太多,遠離人民:「我哋要有極長期在野嘅準備,你攞啲席位係臨時,唔好諗住大權在握。事實上係執唔到政。」

「手上冇籌碼你同人談乜鬼嘢判啫?就係因為想上到位嘅心太強,唔知自己唔夠班,用一種上咗位嘅心態,忘記要繼續謙虛同群眾傾偈。特別要經過雨傘運動,任何群眾運動組織者,或者參政者,一定要謙虛面對群眾,要真誠同民眾一齊聽。」

甚麼才是麥德正理想的民意代表?他想到雨傘運動中的張超雄:「張超雄落旺角,人人都知佢係張超雄,但冇乜人理佢。啲人討論緊佢會企埋去聽,冇人覺得佢高高在上。有時啲人講到咁上下,問佢張超雄你覺得點呀,佢咪講囉。佢會講一啲諗法、限制。佢聽人講多過佢自己講,我自己印象好深刻。我覺得未來要做民意代表,你就要有咁嘅態度。」

 

原刊於2015選戰 顛覆區議會!

發表意見