立場新聞 Stand News

千字文怒轟林奠建制

2019/9/24 — 18:41

林奠宣佈撤回逃犯條例修訂,我當日睇直播,怒火一到拍案而起,原來所謂「撤回」兩個字,根本一早可以講。

我頂你個肺原來所謂嘅撤回唔係唔講得,係為咗啖氣而唔肯講?屌你兩個月前講撤回,示威者就達到目的唔會再咁大規模示威街頭抗爭,唔使俾人打爆頭流血,警察又唔使下下出到警棍橡膠子彈催淚彈打傷市民,而家仲俾人叫黑警,根本一早可以做嘅嘢而唔做,是不為也,非不能也,我頂你個肺原來撤回係可以講得咁廉價咁無廉恥,咁你講壽終正寢做乜鳩呢,你講完之後又係要講撤回,咁點解唔一早講撤回就搞掂件事呢?邊個人俾條橋你叫你講壽終正寢嘅呢?嗰個人係咪應該炒魷魚呢?如果唔係其他人叫你講壽終正寢而係你自己諗出嚟,你係咪好應該炒魷魚呢或者自己即刻下台?咁市民後生仔七月八月呢兩個暑假係咪白過?啲催淚煙橡膠子彈警棍係唔係白食?警察依家俾人叫黑警,都係因為你死都唔肯講撤回,搞到之後警民衝突全民罷工全民抗爭視警察為敵,林奠你成日口中話警察係極高效率係香港嘅驕傲係一隊質素極佳嘅執法隊伍,依家警察一出到去俾人叫黑警,連結婚都要俾人搞,呀特首你明唔明白令到警隊誠信同質素破產個源頭就係你呀?警察都有感受,佢哋回想返自己為乜事戇鳩鳩俾人屌足兩個月,如果佢哋仲有識運轉嘅腦深思熟慮過後先發現好多衝突根本可以避免,只要你一早肯講撤回。所以依家你上電視黑哂面喺度講撤回你知唔知道自己係幾咁無恥同幾咁智障?今次唔單止係你誠信同執行力破咗產,而係智商破埋產啊陰公。

班建制派議員又真係即刻非常搞笑地衝出來講話支持特首嘅做法,覺得特首做得好有助緩解社會矛盾,哇你唔好再無恥啲?當初係邊班人大聲夾惡話要通過逃犯條例㗎?如果特首一早冇立法會建制派嘅支持有冇可能可以夾硬嚟咁有信心話要通過啊?你都係共犯嚟,唔好擺到自己高高在上嘅道德這可以審判他人嘅姿態啦,你哋建制派依家衝出嚟話特首撤回做得啱,即係話自己當初做得好錯啊仆街,民建聯最無恥,成件事你哋有份搞到咁混亂就係你哋點都要同政府企埋同一陣線,我諗三四個月前你哋班友係好有信心可以通過逃犯修訂,發夢都估唔到真係可以比民意推翻就好似當年 23 條一樣,係呀當年係有 23 條㗎,大家係唔係真係遺忘咗歷史啊?嗰陣 50 萬人上街都已經搞到你成個政府要跪低,家陣出現 200 萬人上街你仲覺得自己可以企硬,你班友真係當出嚟示威班香港人流㗎?你當件事就咁真係可以完?而家諗緊選舉你哋知驚啦,呢一鋪係一整代嘅後生仔都唔會再投你票,你哋準備多啲旅遊巴接送掌心雷啦。

廣告

所以我真係覺得香港人係呢個七月八月好鬼慘,唔理你係建制派定係反對派,都真係比呢個特首玩到好攰好辛苦,你諗下如果你係極深藍,幾個月來係咁支持特首叫佢唔好講撤回,覺得政府要有管治威信唔可以向示威者低頭,而家特首就低頭俾你睇,點解佢要低頭?因為真係成件事係做錯咗,如果佢唔認錯係已經冇彎轉,咁你哋當初盲目喺度撐叫特首唔好低頭講撤回,依家特首就講撤回,就係擺明向你地呢一班極深藍打一把掌,等於林奠都屌你哋醒未啊?「我都認錯啦我都終於要講撤回啦,你哋班友就收聲啦。」至於班示威者就梗係冇陰功啦,你幾時聽過極深藍會係前線食橡膠子彈催淚彈布袋彈警棍?班極深藍係冇動員力㗎,留係屋企用個電話睇 TVB 喺度指點江山,而示威者就喺出面衝,到頭來逃犯條例唔通過,係對全香港都冇影響,你班極深藍其實都係間接享受示威者所帶俾你嘅漁人之利,冇錯呀,依家香港好混亂好需要大和解呀,咁大和解最緊要係乜呀,就係要有人承擔責任下台,唔好再同我講下台冇用呀,下台係好有用㗎,社會要化解戾氣就要有人祭旗,因為呢個係政治失誤所帶來的經濟影響同全社會嘅不安寧,講到尾,矛頭一定係直指林奠政府同建制啦呢鋪,佢哋先至係破壞者啊!

我唔係要破壞社會要破壞建制,相反我呢一班叫做既得利益者係想修正個建制,係貨真價實嘅建制派。講真香港宜家呢個管治情況冰封三尺非一日之寒,搵邊個做管治班子都好容易犯下大錯,咁我明知人類總要重複自己犯過嘅錯誤,我哋作為市民,身家性命財產都喺哂香港,我哋可以點樣做?就係不停監察你個政府,不停提醒你其實係一直會犯錯,我哋咁做嘅目的,其實係保障自己嘅家同權益,你想像下如果依家香港係一言堂,唔可以有反對聲音,到時就真係大撚鑊啦,所以點解話言論自由新聞自由係文明之母啊?因為文明嘅進步就係要容許有犯錯嘅空間之餘,更要容許有人屌鳩你犯錯嘅空間,如果唔係你點撚樣會進步呀?

廣告

一口氣講完,多謝收睇。

後記:其實藍某平日真係好少好少好少會講粗口,一開始我係不斷提醒自己要心平氣和去寫呢一件事,之後我寫完第一段發現自己點寫都寫得唔通順,原來鬧人真係用粗口會通好多,道氣先可以一氣呵成,希望大家諒解。

#林奠 #撤回逃犯條例 #建制派 #監察 #認同請分享

 

作者 Facebook

發表意見