立場新聞 Stand News

卿姐家傑,認真你就輸了

2015/9/14 — 18:31

在此,小妹呢個比城市論壇主持更傻豬的蟻民想同卿姐家傑講句,下次唔駛太勞氣嘅。 (TVB新聞截圖)

在此,小妹呢個比城市論壇主持更傻豬的蟻民想同卿姐家傑講句,下次唔駛太勞氣嘅。 (TVB新聞截圖)

【文:琪琪】

高登入面有句名句:「認真你就輸了」。

每年九到十月,又係各大會計師樓去大學做recruitment talk的日子。

廣告

去過recruitment talk的大學雞都聽過,有會計師樓話自己係全球最大,「老麥」同「7仔」係佢地個客等等嘅威水史。當時,你可能曾經心諗:「正呀,入到我就可以做老麥7仔呢兩個大大大Client啦!」,然後加個TVB大結局跳起YEAH。

認真你就輸了。

廣告

如果你入到呢間四大,恭喜晒。不過唔好意思:雖然「老麥」同「7仔」係佢個客,不過唔關你事,佢地只係美國Office的客重要係只做過一隻細Job咁大把囉。

全球最大? Come on James,間Firm其實都係全球第一... 員工數目最多。就好似曾經有間Big4向全部員出左封電郵,話自己在一個運動比賽上係「Best Among Big4」。實際係,果間公司在比賽的丙組是唯一的會計師樓,拿第四;另一間Big4,在甲組,拿第五。

記唔記得黎明有首歌嘅歌詞係:「世界與我又何干」,潛台詞即係,「關你條鐵事」。

註: 至於2nd tier會計師樓,10間有8間都話自己排第5...你懂的。

到你做senior辛苦到死想辭職果陣,你個manager就會同你講:「我睇好你架,頂埋呢個peak season就可以輕鬆D啦!」

認真你就輸了。

過完年度審計peak season,唔該做埋隻IPO,跟手做埋隻Special中期審計......manager? 佢有權升你同佢一樣的職位咩?

所以係呢個社會,有D人講嘅話,你不必太認真。

就好似有個什麼主任,明明係中央撈唔掂先黎香港做個市級辦公廳小主任,但係就係度同你講「特首權力高於三權分立」 (然後又有個「前」中央政策組顧問又搭個鯇魚咀);又例如解簽專家講一句「色則是空空是色,觀音曾勸世間人」,然後就會有D議員同你講香港人不要貪心不要爭拗,對政改應該「袋住先」。

學問解說以上情況為:Statements made by inappropriate person are simply trash. (大致譯為: 唔識又扮野的人說的理論都是廢話。)

所以,認真你就輸了

對於小角色嘅說話,細心分析一下,我們就知道佢地其實根本係無權力去改變任何事。佢地嘅行為不過係好似小朋友扭計,得閒講幾句激下大家,引人(特別係老闆)注意,爭取曝光。甚至乎,佢地其實並不了解一個上頭一本法律一支簽文嘅真正意思。

所以下次如果見到有個疑似精神病人係條街度亂鬧人,琪琪教教你,唔駛用劍嘅,呢個唔理佢,果個又唔理佢,佢就自然會無癮收聲。

在此,小妹呢個比城市論壇主持更傻豬的蟻民想同卿姐家傑講句,下次唔駛太勞氣嘅。對住那些揸住雞毛當令箭的人或者明明已經退下來無實權的人甚至乎靠吹水搏上位的人,唔回應唔理佢地,就係對佢地最大嘅懲罰。

「狗」吠得「久」,你不理會,牠都會有累的一天。

 

作者簡介:曾在四大會計師樓稅務部門打滾的小薯仔, 見盡會計師為搵食做到隻狗的生活和難以為不公義發聲的無奈。

進步會師 facebook

 

發表意見