假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2018/11/22 - 14:00

原來我幫緊陳凱欣宣傳

陳凱欣,圖片來源:nowtv片段截圖

陳凱欣,圖片來源:nowtv片段截圖

據報陳凱欣在出席 NowTV 選舉論壇,被問到作為記者會否訪問陳浩天時說:「你一定會問佢點解宣揚港獨,咁佢會講佢番理念,咁咪宣揚緊港獨囉!」原來報道內提及佢理念就係幫緊佢宣揚,咁經常深入追蹤報道港獨的大公文匯肯定係大肆宣揚緊港獨,而在施政報告提及港獨的梁振英就更加係名符其實的港獨之父了。

用同樣邏輯,我仲諗到一些例子:

報道侵侵的貿易戰理念就係宣揚美國帝國主義 << ban

廣告

報道安倍去靖國神社就係宣揚日本軍國主義 << ban

報道英國議員批評香港民主自由就係宣揚英國殖民主義 << ban

報道蔡英文、達賴、熱比亞就係宣揚台獨、藏獨、疆獨 << ban

報道 ISIS 就係宣揚伊斯蘭極端主義 << ban

大陸藝人在微博愛國 << 可以報,但,台灣導演在金馬獎「播獨」<< 唔可以報

大陸運動員贏獎感謝國家 << 可以報,但,大陸馬拉松跑手丟低國旗 << 唔可以報

香港係「獨立」關稅區 << 唔可以報

經常報道「因航」的「方向報」其實係免費幫緊「因航」宣傳 << goodest logic

最後,筆者在開頭 quote 了陳凱欣一句,quote 了她的理念,所以其實我依篇文都係幫緊陳凱欣宣傳。請選舉事務處唔好向我或轉載依篇文章的網媒追選舉經費。相對地,如果陳凱欣勝選,我同一眾網媒都應記一功,畢竟我地咁落力幫佢宣傳嘛。嗱,邊位讀者 share 依篇文都係幫緊陳凱欣宣傳呀吓。認同請唔好廣傳。

 

(編按:2018 年立法會九龍西地方選區補選候選人包括伍廸希、曾麗文、李卓人、馮檢基及陳凱欣。)

作者網誌