立場新聞 Stand News

聲援良心犯 RubberBand 泥鯭:演藝人影響力來自公眾,須做對得住自己及社會的事

2017/8/20 — 17:32

樂隊RubberBand成員泥鯭

樂隊RubberBand成員泥鯭

新界東北案13名示威者和「雙學三子」日前分別被律政司成功覆核刑期,改判監禁。不少市民今午響應政團發起的遊行,聲援在囚的抗爭者,樂隊RubberBand成員泥鯭亦在行列當中,他接受《立場新聞》訪問時表示,肯定今次是政治檢控,故有需要發聲,又指不擔心表態會影響事業,「如果個個都係因為驚呢樣嘢而當睇唔到,咁其實係好危險嘅呢件事」。

對於有人認為今次不是政治檢控,純粹因犯法而判囚,泥鯭認為,「我自己覺得肯定是政治檢控,地區法院其實已判三子社會服務令,但袁國強繼續一意孤行要revise 刑期,所有嘢都係律政司去決定,而咁啱上訴庭個結果係咁樣,我覺得律政司可以選擇不覆核刑期,係咪先,我自己覺得係有啲問題。」

因此他認為,「發聲好緊要,否則上面都唔會用盡方法滅聲,所以出來行係一種發聲的渠道,應繼續用這方法將大家覺得唔啱的,不公義的事發聲。」

廣告

至於作為公眾人物,會否擔心表態會影響工作及北上,「如果個個都係因為驚呢樣嘢而當睇唔到,咁其實係好危險嘅呢件事。正因爲係公眾人物,或者演藝人、歌手乜都好,應該用自己的影響力,影響力係公眾畀佢嘅,做返啲對得住自己對得住社會嘅事。」

廣告

發表意見