立場新聞 Stand News

反擊王國興拉布浪費論 梁國雄:建制盲撐政府 港人損失5687億

2015/4/16 — 21:57

社民連及人民力量,在立法會辯論《財政預算案》時拉布,工聯會王國興狠批議員拉布三年,合共浪費25億公帑。社民連梁國雄今日在議會發言時反擊,逐一羅列建制護航通過的鉅額項目,指因為過去建制派盲目贊成、通過議案,合共令港人損失5,687億。

梁國雄批評王國興等建制派向「更弱者」抽刃,「保皇派議員派錢畀有錢佬,一係就令基層損失、直接畀有錢佬,一係就(有錢佬)應該畀嘅就唔使畀」、「劫貧濟富」。

梁國雄又向泛民議員喊話,指曾俊華已為機場第三條跑道工程偷步,在《財政預算》中假設機管局今年不會向政府派息,反對三跑的泛民議員,單單因這一項就不應通過預算案、加入拉布,「否則唔好再講反三跑」。

廣告

梁國雄列舉建制派支持下通過,最終令港人損失慘重的例子:

- 領匯當年以250億買走公共資產,現時市值已升至1100億;

- 「九大基建」立法會申請時報價2414億,但今日總支出已達4016億,超支近1,600億,「有邊一個政府係突然做大量工程,做完擺喺度㗎?郵輪碼頭係冇郵輪,海運碼頭仲多過佢」;

- 修訂房屋條例:公屋租金本不能超過公屋居民入息中位10%,但2007年修訂後,2010-2015年公屋租金上升了27%,居民每年每戶平均多交4584元,五年來合共多交66億,「王國興手指篤一篤,都66億啦!」;

- 2008年減企業利得稅,08年至今庫房少收了755億,「夠買幾多罐豆豉鯪魚呀,王國興?萬歲人魔都食唔晒啦。」;

- 印花稅由0.8%,一路降至0.2%,只要政府將之恢復至0.4%水平,今年庫房就可多收227億,「點解唔攞227億出嚟救萬民於水火,唔做全民退休保障?」;

- 建制派拼命反對設「股息稅」,如李嘉誠每年股息幾十億,建制為富商省下一大筆。

廣告

發表意見