立場新聞 Stand News

反釋法遊行

2016/11/3 — 13:44

游蕙禎昨晚有參與遊行

游蕙禎昨晚有參與遊行

【文、圖:朝雲】

(一)

梁頌恆、游蕙禎兩議員都參與遊行,表情肅穆。

廣告

梁頌恆受訪時,說自己不過在臨急之際,成為 plan B 的影武者。議席並非關鍵,而在三權分立和法治。

廣告

(二)

長毛:大律師公會企出嚟

***

長毛公開呼籲大律師公會,既勇於表態反對釋法,應該更進一步,率領大律師挺身而出,帶領下一場遊行。

 

(三)

人呢?

「今晚出嚟都唔知改變到啲咩,但係我已經唔知可以再做啲咩。」

***

陳氏伉儷:

我唔支持佢兩個,但為左唔俾兩人做議員,就屈機釋法,追溯以往,剝奪佢地資格,係破壞法治。

(太太)擔心日後立法會議員,堅持自己立場,一樣會被 DQ。

***

放工加入遊行的 OL:

而家唔係兩位議員嘅問題,係關乎中共入侵香港,破壞一國兩制嘅自治。

***

蔡太:

立法會可以處理架嘛。依次釋法干涉香港的管治。

咁樣干涉的話,即係邊個當選邊個唔當選,由你話事,咁香港仲談何自由呢?以後東北呀,橫洲呀,都可以亂嚟。

***

Chris:

最近嘅事令自己好擔憂。三權分立等各樣嘢都冇哂,變到好似中國咁。

***

練伯伯(圖一):

我 82 歲,62 年偷渡嚟香港,逃避共產黨專制。

***

Criscilla & Cristo:

釋法破壞哂法治,以後咩都唔駛講。

依件事嚴重過以前所有 cases,佢地係民選議員,係立法會事務,冇得再讓。

先唔好講兩位議員啱定錯,我地唔係好 buy 佢地,但佢地係民意授權嘅代表,而家完全係夾硬嚟架空議會。

出嚟以為會好多人。。。我自己心裡邊係咁諗。由金鐘行過嚟,超失望,人比想像中少好多。

我明白網上不嬲都係圍爐取暖,但今日更加嚴重,我完全冇見身邊嘅人提過。

唔明點解會咁少人,冇人知應該係原因之一。我 share 張相,朋友問咩事,已經唔想答。

過左雨傘之後,大家都話公民覺醒。我唔知佢地灰心左呀,定係分化得好犀利。有啲人可能唔 buy 青政;有啲勇武派可能覺得遊行有用咩。

其實好多人都反對政府,但而家個形勢好分化。我覺得三權分立係大是大非嘅事,大家可以有統一嘅立場。

今晚出嚟都唔知改變到啲咩,但係我已經唔知可以再做啲咩。

 

作者 facebook

發表意見