立場新聞 Stand News

2016立法會 —​ 大「焗」為重嘅超級區議會投票參考

2016/9/1 — 11:16

為免影響本人食慾,及保持本人風格及水平,部份候選人樣貌必須打格。

為免影響本人食慾,及保持本人風格及水平,部份候選人樣貌必須打格。

警告:粗口橫飛百老匯。我有睇政網,但寫建議同參考嗰陣,唔會從政綱出發。

原文連結

─────────

廣告

呢個唔係選舉廣告。我只係講我一啲睇法,畀朋友們喺投超級區議會投票前作參考。

比起地區選舉,超區更加難決定投邊個。

廣告

***重要*** 

(1) 個人投票意向:非建制六張名單,全部有個剔

***重要***

原因一:超區呢樣嘢,根本唔應該存在。佢係2012政改下嘅怪物;我有骨氣,有票我都唔撚要(上屆投白票)。

原因二:對於非建制黨派自吹自擂自私自利自毀自殘嘅行為非常失望(我承認,我居然仲可以失望)。有數計嘅,非建制最多只能喺超區五席拎到三席,呢班老泛民居然派咗六張名單出去選。客觀咁講,要選到三席,無系統性配票根本無可能。你一邊成日叫人大局為重,自己就喺度射走一席。而家我嘅估算係,建制有可能拎四席-只要李慧琼票夠多而非建制票集中喺一張度(據聞某涂姓男子,投票都未開始就已經告急。告告告,告你老母呀~)。

呢兩個原因,已夠我唔投畀任何人。咁既然你哋咁中意票,我就每個非建制都畀個剔你。剔呀!票呀!印呀!

我希望嗰三個由頭到尾都無希望當選、選完輸埋你都講唔出名嘅非建制派候選人,連5%有效票都拎唔到,一毫子政府資助都冇(如果全部有效票中你拎到+5%,政府會畀返每票十幾蚊資助)。呢個係我作為選民能夠懲罰你班自撚私政黨嘅方法。

如果我毒啲,投畀建制派,整大個有效票嘅分母,非建制派拎到5%票嘅機會仲低。但叫人投畀建制派啲咁閪嘅嘢,我活多一千年、投多八千次票都唔會講得出。

***重要***

我嘅投票意向:非建制六張名單,全部有個剔。

***重要***

─────────

(2) 如果想非建制拎三席-鄺俊宇

首先要客觀地講,拎三席嘅可能性好低。

非建制六張名單,涂同梁勝算較高,排第三嘅係鄺俊宇(再講多次,排第三都係機會好低)。如果你心存僥倖,就要投畀鄺俊宇。但係要一家人配票,四張票咁,一張畀梁耀忠三張鄺俊宇(或者兩張兩張),咁就有多少少機會……由0.000001%去到0.0000010001%咁囉。

我作為半個出版界嘅人,真心佩服鄺俊宇。鄺俊宇係一個好賣得書嘅作家。你唔好同我講文學,從賣書、市場嘅角度,鄺俊宇好成功。當我評估鄺俊宇值唔值得投嗰陣,無可避免會滲入咗佢作為成功作家嘅身份;相反,亦有人會覺得佢中文差而唔投佢。亦好多人投/唔投某某嘅時候,除咗睇政網(其實係唔睇),仲會留意埋佢衣著樣貌外型談吐身高出身等等。都係嗰句,陳云轉look,係偶然嘅事?政治、選舉、公關,係一門精密嘅計算嚟。

鄺俊宇亦係一個後生仔,理應我要投畀佢。但有啲前提你要滿足到.....可惜鄺俊宇符合唔到。當中最大敗筆,就係個黨要信得過。我掙扎咗好耐投唔投畀鄺俊宇。突然,叮一聲我諗起呢個根本係民主黨嘅盤算:第五席係周浩頂(唔識打正字)同鄺俊宇之爭,如果你唔想周浩頂入,就要焗投鄺俊宇。

民主黨太賤格,就係反覆利用你哋呢種「大局為重」嘅心態-上次2012超區係咁,2015係咁,日復日、年復年。我真係受撚夠你日日叫我「大局為重」。究竟係邊個嘅大局?

「局」我見唔到,淨係見到「焗」,焗投。

而家唔係去好景買咸碟,$100四隻我揀得三隻,要夾硬買多一隻、唔係感覺好蝕。

幾經考慮,都係唔投鄺俊宇……呀,應該咁講:非建制六個人都會投晒。

─────────

(3) 如果想投畀啲做嘢嘅人-梁耀忠

如果你真係有票點都要投,想投票畀做實事有往績嘅候選人,投畀梁耀忠。此人乃正人君子,地區工作紥實、口碑不錯,少有是非,屬實幹派。街工只派出兩張名單(新西及超區),真係非常克制,投梁耀忠可以話係希望佢哋最少有返一席,唔會一舖清袋。

如果你阿爸阿媽投畀對面勞工派嘅逆賊,你大可以叫佢投梁耀忠。好多人唔中意民主黨同後生仔。梁耀忠望落去,超級老實,真係相由心生。推介佢畀你老竇老母,希望界鳩對面勞工派逆賊啲票。

投梁耀忠,唔使焗投,心安理得。

─────────

(4) 涂謹申

不願置評。1998年十八歲,第一次畀咗佢;2000年、04年都係投畀佢。後來發生租津事件,我好記得呢條友嘅回應真係垃圾到唔恨。

我發誓唔會再投呢個人。

(5) 另外三個非建制派候選人

另外嗰三個非建制派候選人,我淨係聽過陳琬琛嗰名(親戚嗰區嘅區議員),另外兩個記極都記唔到個名。呢三個人連陪跑都唔係,佢哋嘅角色等同圍繞住馬場賽道嗰個移動鏡頭:

一齊開閘、一齊跑、一齊郁、一齊衝線,但你完全唔為意佢嘅存在。

(6) 仲有剩低嗰三個逆賊

唔好浪費墨水提佢哋(ok我嘥咗9個字)

─────────
聲明:此非選舉廣告。本人已確保內容盡量中肯及資料正確無誤,但唔會保證合看官口味,及承擔任何來自上述資料及分析所招致嘅損失。

本人不會透過以上文章,從任何候選人或來源,得到金錢或非金錢回報。

立場新聞選舉專頁

發表意見