立場新聞 Stand News

【吂返香港】評葉劉競選設計 曾鈺成:無「貝」字 贏唔贏到就好有疑問

2016/12/28 — 14:18

已表態參選特首的葉劉淑儀,以「贏返香港」作為競選宣傳設計,並以英文字WIN來代替「贏」字下半部份的新造字,前立法會主席曾鈺成於《am730》拍片講解「贏」字的由來,指出象形文字的「贏」,代表大船上面滿載貝殼,「贏」字演變至今亦有保留「貝」,曾鈺成稱:「最近有人將呢個字改咗,作為競選的一個標誌,其中連個『貝』字都唔見咗,咁似乎贏唔贏得到呢,就好有疑問喇。」

前立法會主席曾鈺成於《am730》<字言字語>欄目拍片講解「贏」字的由來,曾鈺成指,象形文字的「贏」,代表一隻大船,上面滿載貝殼,「撐隻船出海,執貝殼執到滿載而歸,隻船載滿貝殼,咁就叫做贏」,這個象形文字後來簡化和演變至後來的「贏」,仍保留當中的「貝」字。他舉出「贏」的篆書作例子,當中亦有貝字,「因為要贏,錢銀好緊要」。

中大高級講師歐陽偉豪(Ben Sir)早前亦有評論葉劉的「贏反香港」的的設計指:「贏字,核心喺個貝度,貝即係銀。冇貝,即係冇銀用,咁你贏乜銀呢?」

廣告

 

廣告

發表意見