立場新聞 Stand News

向錢看

2015/6/26 — 16:31

【文:Joey】

618 政改否決前後,見到一班過去一直大大聲咒罵你,恐嚇拉你告你嘅官商權貴,忽然話要「團結香港」、「修補撕裂」云云。

等於梁政府 928 叫班差佬掟完成晚催淚彈,揾步槍指住你「Disperse or we fire!」,發狂攞警棍仆穿你個頭,拉你上庭然後又告唔入又賠堂費又撤銷控罪,然後,叫香港人「忘記過去,努力發展經濟」啦 ∼ 我屌你班仆街冚家剷!

廣告

藍絲唔係「冇所謂啦」「袋住先」咁簡單。藍絲係「支持警方嚴正執法」拉晒示威者,有理冇理告到你收聲,為了「還路於民」不惜武力打到你走!為咗「一人一票選特首」就不理提名權參選權,係不擇手段老闆威逼利誘伙記,誘騙未成年中學生「撐政改」拍片放上網公開,係屈穎妍叫公司「請人要上深圳面試」拒請佔領學生工作,係梁振英公開鼓吹「vote them out」將「反對派」掃出議會趕盡殺絕!

928 之後,有人在 Facebook 貼出藍絲,只需要問一句:「你肯定你撐警察?」Ok, if you choose to stand against humanity and human rights. 馬上 unfriend,不必多講,我唔想比你出賣比你殺。

廣告

如果,對方係唔明人權、自由、公民權利、法治限權,只要願聽,我們願講。但如果,對方係明知中共強權威嚇要香港人屈服,仍然為名為利為虎作倀,就算親戚朋友都反枱!我唔係同你乞食。

政治絕緣不能救你。中共專制之下,some animals are more equal than others,豬都會殺你!

在各種無知中,最差勁的是「政治無知」。他聽而不聞、視而不見,他從不參與任何政治活動。他甚至對自己的政治無知引以為傲,挺起胸膛,高聲說自己討厭政治。更可悲的是出現了貪官污吏,膜拜剝削社會的制度。

~ Bertolt Brecht

 

作者簡介:作為一個香港人,時刻發揮厚多士精神,生活上眼見怪事、錯事、愈來愈過份,一於插到佢暈!Never be afraid to say what you feel - You can only die once.

發表意見