立場新聞 Stand News

吳亮星怪問鉛水:含鉛量適中 會否延年益壽? 林鄭失笑

2015/10/8 — 14:07

立法會內務委員會今日召開特別會議,討論公屋食水含鉛事件。金融界立法會議員吳亮星,詢問當局會否研究,飲用「含鉛量適中」的水會否有助延年益壽。食物及衞生局局長高永文回應,醫學上沒有證據顯示,鉛對人體有益。

吳亮星詢問完畢後,與會的政務司司長林鄭月娥忍不住發笑,並「請高醫生幫幫手」作答。

吳亮星:更值得市民留意嘅係,我哋嘅人均壽命係年年加長咗。我想問政府會唔會跟進呢個研究,水含鉛係唔係導致,喺科學角度,引起逐年嘅壽命增長嘅基礎之一呢?有冇需要喺科學方面攞啲數據,去研究含鉛對壽命嘅變化,同埋有關嘅關係,如果含鉛量適中就有助於延年益壽呢,或如果因為改變而引起壽命減少嘅時候,政府需唔需要負責呢?

高永文:醫學上暫時冇發現有任何醫學文獻或證據,顯示鉛對我哋身體係有益嘅。

廣告

立法會內委會召開特別會議討論鉛水事件。金融界議員吳亮星說,近年人均壽命延長,他關注食水的合鉛量適中是否有助延年益壽。食物及衞生局局長高永文說,暫時無發現任何醫學文獻或證據顯示,鉛對身體有益。#香港電台 #吳亮星 #延年益壽 #食水合鉛

Posted by 香港電台視像新聞 RTHK VNEWS on Wednesday, October 7, 2015

相關報道:

商業電台

廣告

發表意見