立場新聞 Stand News

吳康民撐公務員任下屆特首 指曾俊華或更勝林鄭 

2015/8/28 — 13:23

背景圖片:nowtv片段截圖

背景圖片:nowtv片段截圖

特首選舉還有不足兩年就重臨,前全國人大代表吳康民接受NOW新聞台專訪,認為下屆特首若出身公務員,可以「壓到陣」駕馭公務員團隊,穩定班子有助施政,他更加點名指,現屆兩名司長林鄭月娥及曾俊華都有能力更上一層樓。

香港過去經歷過商人治港、公務員治港,到專業人士出身、但被多次指是地下共產黨員的現任特首梁振英,對於香港未來應該要有一個如何的領導,吳康民認為,由公務員出任會較為穩妥。他在今日播出的訪問中指出:

「梁振英(上任)呢幾年就風波四起,所以我直觀就覺得,公務員可能穩陣啲喎...... 如果畀我做中央,如果可以搵到人駕馭到呢個(公務員)系統,因為呢個系統已係幾十年牢不可破,公務員個系統同治港理念,好難即刻打破晒。如果你搵到個人可以壓到個陣,就會比較穩定。

林鄭個人呢,人和就好好嘅,但係而家做第二把手佢就得心應手,但係做阿頭呢,就唔一定...佢魄力夠唔夠呢,大家就有啲懷疑。大家覺得魄力呢,曾俊華可能仲好過佢,曾俊華而家人哋覺得佢掂喎,做財政司,搞財政局面掂喎,習近平又同佢握手喎,哈哈哈哈。」

廣告

被問到前問責官員若要捲土重來,包括前財政司司長梁錦松、前保安局局長葉劉淑儀等,又有否機會呢,吳康民則不願意多評論,只稱:

「佢(梁錦松)睇咗咁多年,都知道呢攤『污水』 (政局)好難搞...... 葉劉佢自己就好想做嘅。佢有半個公務員優勢,吓嘛,咁我不便評論佢啦,大家都係朋友。」

廣告

對於曾經提到若年輕10年會選特首的立法會主席曾鈺成,吳康民就透露,對方3、4年前確實有意參選,指前特首曾蔭權快將卸任時,他就說有「大老細」出面支持他,當時吳康民回應他指,「而家你唔做好地地,你一做,你啲黑材料就大把。因為你呢啲咁樣嘅老左派,人哋要撩你啲嘢,大把啦!」

他解釋,梁振英出身警察家庭,讀書在英國,港人都認為他是地下共產黨黨員,曾鈺成根正苗紅,出來參選怎會不被人「踩」,因此勸他千萬不要出選。吳康民認為,現時的政局令不少有能力、有心人卻步,所以最終出來特首參選人都未必是眾望所歸。

在昨日播出的訪問部分中,吳康民亦指梁振英施政不暢,源於未能凝聚班子及公務員,管治手法更令到一些人「撓埋雙手」。吳康民認為一個領導要連任,支持他的班子是必不可少。

吳康民早前在報章撰文,質疑行政長官梁振英處理兩名局長離任的手法。吳康民在訪問中,再談到梁振英的管治,認為他在任期中途班子換人是不智,「喺呢個多事之秋,陣前易將未必有好處,何必嚟換呢?我都唔明」。

建制派被指不支持梁振英。吳康民認為,梁振英更迫切的是凝聚自己的班子及公務員團隊,「一個領導嘅連任,個班子嘅穩定好緊要」。

發表意見