立場新聞 Stand News

吳若蘭化大戲裝拜年:英對港承諾至今­不變

2016/2/4 — 20:12

英國駐香港及澳門總領事吳若蘭及領事館仝人,今日發出了2016年的新春賀辭。吳若蘭以廣東話向港澳居民拜年,更表明英國對香港的承諾­不變,會堅持加強與特區及中國的關係。

在賀辭短片中,吳若蘭又提及今年是英國劇作家莎士比亞及中國著名劇作家湯顯祖逝世400週年。吳若蘭更親身穿上粵劇戲服,化上「大戲妝」以感受本地傳統粵劇文化。

吳若蘭的賀辭表示,這已是她在香港過的第四個農曆新年,「今年係丙申猴年。馬騮,係聰明、機智、靈巧嘅象徵;我哋都要好似馬騮噉,靈巧機智噉,­用明智而認真嘅方法,迎接新一年嘅機遇同挑戰。」

廣告

吳若蘭又特別提及回歸接近20年,「英國對香港嘅承諾至今­不變,我哋會繼續堅持,同時加強同特區以及中國嘅關係。」

吳若蘭賀辭全文:

我同英國駐香港及澳門總領事館仝人,喺度祝大家猴年快樂!
今年,係我喺香港過嘅第四個農曆新年。 
今年係丙申猴年。馬騮,係聰明、機智、靈巧嘅象徵;我哋都要好似馬騮噉,靈巧機智噉,­用明智而認真嘅方法,迎接新一年嘅機遇同挑戰。回歸接近20年,英國對香港嘅承諾至今­不變,我哋會繼續堅持,同時加強同特區以及中國嘅關係。
2016年係莎士比亞逝世 400周年,我哋會舉辦一個叫「永恆莎翁」嘅大型紀念活動。而有「東方莎士比亞 」之稱嘅中國著名劇作家湯顯祖,今年亦係佢逝世400周年。呢兩位戲劇巨匠留低嘅偉大­劇作,對中西文化影響深遠。 
廣東粵劇,喺 2009 年被列為聯合國人類非物質文化遺產,今日我好開心可以著住大戲戲服同大家見面,感受一­下呢項同香港好有淵源嘅文化活動。
我同我嘅團隊,衷心希望喺 2016 年,繼續同香港特區政府、各界人士以及澳門各方友好通力合作。 
最後,我祝大家猴年吉祥,恭喜發財!

廣告

發表意見