立場新聞 Stand News

呢條路好難行,但一定會有人行落去

2017/2/8 — 16:57

作者製圖

作者製圖

「曾俊華輸左,長毛,自決派要負全責!」
「曾俊華輸左民主派要負全責!」
「林鄭贏左都係你地害!」

我真係唔明,點解投林鄭嘅建制派無問題,
本來應該撐薯片嘅商界唔投佢都無問題,
一班佢理念想法唔同嘅人唔投佢就係死罪。
不如怪埋民主派前年太大意否決左政改,
搞到無得一人一票投曾俊華,唔係佢實贏。

但因為我地同大家上過街,想堅持下原則,
所以就係鬼,B隊,中共操控,漠視民意。
而一班日日賣港,收貴租,破壞香港嘅人,
佢地今次連一句都無俾人話過。

廣告

點解香港搞成今日咁唔係建制派要票債票償,
民主黨唔撐一個建制特首就要喊打喊殺。
點解唔係留精力去諗點夾商家佬投JT,
而係威脅一班同大家一樣無權無勢嘅人?

點解無人話,薯片選唔到我就扺制商家佬
點解無人話,薯片選唔到日日追擊建制派
但係就會話,薯片選唔到一票不投民主派
又會有人話,薯片選唔到我以後撐田少算。

廣告

講埋今次,我都係休養生息,落多d 區,
特首選舉我都係Share 下新聞算了。
我知香港人好醒,所以我尊重有人撐JT。
但唔代表我認同。

民主派係民主派從來唔係因為佢跟晒民意,
民主派係民主派係因為佢地相信民主係正確,
而且係一件好重要,有幾多人撐都要堅持嘅事。

最後只能夠引用台灣太陽花學運嘅名言
「我真的不懂為什麼你們對掌權的人這麼寬容,對於沒有權力、一路被壓著打,一路想要提出事實的人這樣嚴苛。」

我係會好蠢好幼稚,預左俾人話咁堅持,
呢條路好難行,但一定會有人行落去。

發表意見