立場新聞 Stand News

【周永勤棄選】男聲狙擊錄音曝光:召集二三十人狙擊 等佢開論壇無心機 

2016/8/26 — 12:49

立法會新界西直選候選人、自由黨周永勤昨於有線選舉論壇中突宣布棄選,昨午周永勤向傳媒稱收到市民傳給他的兩段錄音,當中有一把男聲稱,「今晚(25日)會召集二三十人就喺會場狙擊周永勤,等佢開論壇都無心機為止」,但狙擊後「大隊著返晒何律師嘅背心」。何君堯今早接受商台節目電話訪問,承認該男聲是他團體的義工。以下為錄音內容:

(第一段錄音)男:唔係,嗰度係何律師的意思,8字的牌還8字的牌,咁我哋今日有兩個身分,一個身分是市民自發,睇唔得頸(睇唔過眼)周永勤同鄭松泰嘅政治抹黑,手法好不良。

同埋3個學運領袖判刑過輕,而何律師提出上訴,要求律政司上訴,而佢哋質疑何律師多管閒事。咁我哋係發公義之聲,今晚會召集二三十人就喺會場狙擊周永勤,等佢開論壇都無心機為止,我哋今晚會咁做,所以一陣會畀啲牌標語去做。我而家就睇下,唔會我哋做,我哋做唔到,寫字樓嗰度幫手做啲牌嘅啫。

廣告

另外,我一陣同你夾吖,(人名),唔該你,Thank you thank you!

廣告

(第二段錄音)男:我哋狙擊完周永勤之後呢,就大隊著返晒何律師嘅背心,現場支持何律師、打氣,係咁多,散會嘅時候又狙擊周永勤,個做法就係咁喇,唔該。

何君堯今早接受商台節目電話訪問,承認該男聲是他團體的義工。

但何君堯反提出質疑,「調返轉頭問,周永勤攞呢個聲帶,係點攞返嚟先?……問題是作為資深(區)議員,你突然攞到聲帶,係邊度攞先?突然攞咗聽完之後,唔係對你講的說話,你竟然有咁大反應,作出咁嘅無言指控。」

何君堯續批評周永勤未有詳述什麼壓力讓他退選,「(周永勤)接受記者訪問,話『我唔想講,我唔想講』,畀我感覺好奇怪,如果唔係政治抹黑,如果唔係有人串謀做非法行為,可能竊聽等等,我覺得好奇怪。」

發表意見