立場新聞 Stand News

咁都仲要返工?依個政府真仆街!

2018/9/19 — 20:07

林鄭月娥

林鄭月娥

我真係好少用上「仆街」這詞語,但這個政府已完全令香港人失望。剛打完風,滿目瘡痍,根本要打工仔返工是草菅人命。林鄭話要求停工不適合香港,湯 11 話香港未到緊急狀態,唔可以用某某法例。你哋慳啲啦!

自從政府西九一地兩檢夾硬來,DQ 立法會議員,近來用社團條例逼死陳浩天,都知道政府鑽法侓空子最有經驗。想做的,政府一定可以做到,總會有條文可以合理化停工。

如今林鄭好明顯係唔想做,寧願推市民去死。又或者,她身邊的智囊根本又係垃圾。世界上只有香港,在超強颱風沒有死亡,但善後復工安排卻是第三世界。大家都有講,是人禍。講真,全城引頸以待一天風假,可謂打麻雀九子連環叫九飛,林鄭只要宣佈停工,可以贏盡掌聲。如今,她的母親在黃泉也被幾百萬人問候。

廣告

所以話民主真係好重要,沒有一人一票選特首,連放一天風假的機會都冇。如果林鄭是一人一票選出,佢敢唔放假?這幾年,我覺得「香港人」好似變成原罪,政府任何決策都不是以香港人做依歸。林鄭在回應傳媒時,仲話有國際會議都可以進行,言下之意是佢都番到工,你班香港人點解番唔到工?

這兩天我特別懷念著港英時代,也感受到人類在大自然幾咁渺小。燈柱都可以吹彎,粗壯的樹也可倒塌,高樓大廈猛力搖晃。幸好港英政府建立了井井有條的香港,高水平的規章制度,安全的建築方式,很多人所說「底氣」夠,還有就是人文質素,今日仍是大家排隊,守望相助。而見到上水今日有很多自由行爭交通工具,真係火都嚟,你深圳停工停課,就落嚟搞香港,點解你唔留在自己地方善後?真係冇可能包容!

廣告

咁多年來我也身體力行環保,其實就係預計未來的地球環境越來越差,真係盡能力唔想地球惡化下去。這兩天的情景,以前以為 10 年一遇,20 年一遇,點知上年天鴿,今年打日本的飛燕及剛剛的山竹,可謂是一年兩遇。今次受災最嚴重的全是海邊,可以證明未來的人口實在不宜放在岸邊,建制智庫建議起人工島及填海簡直是低能的建議,而提議者全是既得利益者。香港若不打破由財團及北京主導的局面,真係冇運行,淪落在颱風後於戰地番工的命運。

林鄭,下台!

 

作者 Facebook

發表意見