立場新聞 Stand News

和理非,what do you do to waste your time?

2019/9/26 — 18:45

【文:跨界別抗爭籌備組】

不想記起,未敢忘記。四個月前,中國紅星陳偉霆向世人剖白"what do I do to waste my time" ,震驚了七百多萬香港人。呢句經典中的經典,你同我都恥笑過,然而撫心自問,過去四個月波瀾壯闊的逆權運動,大家有冇反躬自問:"what did I do to waste my time?"

作為和理非,一百萬人遊行,相信我地曾經擦身而過;二百萬零一人遊行,我地有一齊 sing hallelujah to the lord。不過,政權實實在在地話畀我地知,乖乖地遊行是冇X用,然後呢?然後,和理非就沒有然後。我地感嘆以前熟悉的香港已死,我地不斷同人講好嬲,然後問除咗嬲仲可以做咩。

廣告

和理非,what the hell are you doing to waste your time?

或者先介紹一下,我地呢班人,就係9.2 9.3籌備跨界別罷工的同一班人。好坦白,我地承認9.2 9.3罷工的效果並不理想。但咁並不等於和理非一事無成,剛過去的網民自發9.22新城市和你shop,就係活生生的例子。

廣告

綜合在場觀察所得同傳媒報道,簡單地總結當日的時序:
1230 - 和你shop旅遊團出發,第一站:喜茶。 成果:喜茶拉閘。
1300 - 第二站:優品360。 成果:拉閘,門口貼滿文宣及貼紙。 
1400 - 第三站:華為,Lenovo。成果:拉閘,包括隔離蘇寧。
1430 - 八樓北京樓撳飛仔機淪陷,飛仔紙彩帶吊到落三樓。
1500 - 第三站:連城廣場。成果:多間店舖落閘。
1600 - 第四站: Starbucks+Cova。成果 :新城市廣播呼籲客人離開
1730 - 新城市宣布是日停止營業

由第一團出發至新城市收皮,大約五個鐘時間。假設你活動時間由1230開始,2230返屋企瞓覺,一共有十個鐘,數字上其實可以搞兩個商場。兩個大商場所涉及的經濟數字有幾多,大家心中有數。

講真,以上活動風險已經低得不能再低。當然我地唔會話零風險,但各位,抗爭不是請客食飯,如果你認為唔洗付出民主就會由天跌落嚟,咁大家可以繼續每天講一次今日係民主最黑暗的一天,然後返屋企早啲瞓。因為你不配得到民主。

抗爭要升級。前綫已經升咗級,和理非,我地一齊運用創意,你所做到的絕對比你想像中多。

美國第三十五任總統甘迺迪講過: ask not what your country can do for you—ask what you can do for your country。我地會補充,唔好問做咩會成功,先諗吓自己可以做到咩。我地唔比大家叻,但我地願意不斷試,9.28,再接再勵,「光復香港連儂革命」。詳情請睇我地較早之的post,同埋分享畀身邊所有朋友。

最後,必須必須強調:雖然 9.2 9.3不成功,但在我地眼中,罷工,一個全社會參與的政治罷工,是核彈。若要成功,必先罷工。我地嚟緊會繼續出文,解釋我地嘅計劃。

9.28,不見不散。

作者製圖

作者製圖

作者製圖

作者製圖

作者 Facebook

 

發表意見