立場新聞 Stand News

唔好再旨意誰能為民請命 學會自己把江山打下來

2018/10/14 — 11:37

2018七一遊行

2018七一遊行

點解抗爭一定係上街,點解抗爭就必定要投泛民,點解我想係自己土生土長嘅地方話事,就一定要跟外來政權設定嘅統治框架來爭取?難道香港唔係一個自由市場?難道港產片一定要靠大陸先有市場?難道貨品銷售、市場拓展、業務擴展衹限大陸?有遠見嘅大陸創業家都已經脫離大陸甚至香港嘅監管(Binance 老闆就係個好例子),情願喺非洲、中東、東歐拓展業務都唔喺中國領土上任人魚肉。

社運傳統由大狀、教師、社工、教授領導,點解新一代社運唔能夠由創業家、科技人員、冒險家甚至藝術家來領導呢?要爭取自己喺自己地方嘅話語權,除咗選舉仲有好多方法,問題係大家願唔願意去改變。問題係,你願唔願意押上一生嘅精力把這塊領土的一切發揚光大,問題係當無閃光燈喺你面前,你還是否願意堅持。不要再追求剎那間的光輝,學會追求用血汗換來的成功。唔好再停留喺口號式嘅民主,學會靠自己雙手生存於地球上的氣魄,唔好再旨意誰能為民請命,學會自己把江山打下來。

你感受到嘅無力感就係潛意識要你反省。既然多年來的方式不能再帶來改變,改變的不是這個社會而是你自己。

廣告

 

(標題為編輯所擬,原刊於作者 Facebook

廣告

發表意見