立場新聞 Stand News

唔租畀 FCC 就算?

2018/8/20 — 9:24

陳浩天在 FCC 演講,港獨勢力與外國勢力勾結,國家安全受到極大威脅,此誠中華民族到了最危險的時候也。如果放任陳浩天和 FCC 搞多幾場「播獨」演講,中華人民共和國隨時就會「支爆」亡國。(支爆的場景就是中國四分五裂)(Leung, 2018)

國家興亡在此一戰,但香港的親中派提出的應對方法竟然只是唔再續租會所給 FCC。試想想,面對台獨藏獨疆獨,中央出手會否只是「唔租地方給達賴/熱比亞/蔡英文/李登輝用」?當然是有機會就立即活捉他們,再擇日於菜市場公開處刑啦。

唔續租給 FCC,人地咪搵第個地方再租過,甚至玩「遍地開花」,全港九新界到處搞「播獨」演講囉。香港親中派諗埋的屎橋,真是輕手過趙飛燕,簡單過張寶華,天真過鍾欣潼也。靠你地點保家衛國呀,我真是替你們著急呀。(江主席腔)

廣告

計我話,必須立即以社團條例取締 FCC,用公安條例捉晒班鬼記者,告到佢地坐晒監,先可以斬草除根,殺一儆百。最好仲順便驅逐幾個英美外交官出境,以示抗議佢地在背後培育港獨。做唔到的話,特區政府同親中派就係包容港獨同外國勢力的冇鬼用正契弟呀。

廣告

發表意見