立場新聞 Stand News

【唔識唔緊要】議員教你睇《警隊條例》

2019/7/9 — 11:09

立法會議員譚文豪

立法會議員譚文豪

編按:警察員佐級協會主席林志偉昨日(8日)去信立法會主席梁君彥,指警方在7月7日旺角驅散示威者期間,立法會議員譚文豪、區諾軒刻意擋在警方防線前阻礙警方推進及清場。聲明指,該會對兩名議員非常失望及憤慨,並予以「嚴厲譴責」。譚文豪對協會聲明之回應轉載如下。

根據《警隊條例》第8條,禁止警務人員參與職工會,但可以加入純由警務人員組成的組織。而第8條(4)指明警察4大協會職能,僅僅係為「福利及服務條件」提出意見,而唔係用嚟比你地政治表態用!

事實上,警隊點解有獨立薪級表,《凌衞理報告書》第8:44段寫明係因為「法例禁止警察參加工會、禁止擅離職守及要求保持政治中立」。如今警隊多次借協會政治表態,係完全違反《警隊條例》,我將會同公務員事務局反映,要求警隊嚴格遵守政治中立,否則無需再依照《凌衞理報告書》俾警隊有獨立薪級表。

廣告

btw,員佐級協會主席向立法會主席投訴議員又係好幽默,請問你地搞清楚議會組成未?

根據《基本法》第六十六至七十九條、《立法會行政管理委員會條例》(第443章)、《立法會(權力及特權)條例》(第382章)及《香港特別行政區立法會議事規則》("《議事規則》")訂明,立法會主席比一般議員多出嘅權力係「主持會議、維持會議秩序同行管會嘅行政角色」,根本無權處理發生係議會外嘅「投訴」。作為警察唔熟《警隊條例》都算,想寫信之前都讀多啲例先出聲啦。

廣告

#求下你地唔好再令警隊出醜
#點解警察協會咁少職能 #好有歷史背景
#同廉政公署成立查警隊貪污有關
#下次有機會再同大家講講

發表意見