立場新聞 Stand News

問鄭泳舜為何服務深水埗區 蔣麗芸不滿答案打斷 鄭:我仲有好多嘢講喎Ann姐

2018/3/4 — 16:05

鄭泳舜、蔣麗芸 (民建聯直播截圖)

鄭泳舜、蔣麗芸 (民建聯直播截圖)

繼早前在民建聯九龍西補選候選人鄭泳舜報名參選時,教路叫他攬老豆後,民建聯議員蔣麗芸今日又考起鄭泳舜,在深水埗造勢大會上,問他當日為何揀這一區服務,鄭泳舜回答了兩次,蔣都不滿意答案而打斷他,鄭泳舜一度反駁「我仲有好多嘢講喎ann姐」,蔣麗芸最後自問自答:「係曾鈺成安排㗎。」

鄭泳舜今日到深水埗舉行造勢大會,食衛局長高永文、蔣麗芸及工聯會議員郭偉強均來站台。到蔣麗芸發言時,她問鄭:「香港有好多區,點解唔揀半山區、豪宅,點解你揀深水埗區?」

鄭遂應道:「因為街坊個個都好錫我,係咪呀?我哋係好家人,一齊做嘢嘅。」

廣告

蔣麗芸不滿意答案:「唔係,人哋係後來先錫你嘛,一開始,點解你揀深水埗?」

鄭再答:「因為深水埗係充滿人情味的社區,而街坊街里守望相助,令我有好大信心,好多地區問題等住我哋去改善,好多住在劏房的居民等緊上樓,(蔣打斷:得啦得啦),我仲有好多嘢講喎ann姐。」

廣告

蔣這時自問自答:「最重要嗰句,當年鄭泳舜是曾鈺成徒弟,係曾鈺成帶佢入來我哋民建聯㗎,然後曾鈺成話,阿舜,你要選議員,你要為民服務,我就將你擺係呢一區,係曾鈺成安排㗎。」

鄭無奈答:「係、係。」

鄭泳舜在發言時又表示,自己選情非常嚴峻、非常緊急,需要每一人的支持,指自己服務這區逾十年,不是空降,是做實事,又不點名批評對手姚松炎「被DQ咗、被紅牌趕出場,但係佢宜家又要大模斯樣行番入去,我哋可唔可以俾佢咁做呀?」。

九龍西候選人還有獨立蔡東洲。

 

發表意見