立場新聞 Stand News

「啱啱表決左喇。」「Season 1完左啫。」

2015/6/18 — 19:42

王子:預左否決,雖然好多人趕唔切嚟,但擔心愈夜否決愈多變故,未嘗不是好事。

王子:預左否決,雖然好多人趕唔切嚟,但擔心愈夜否決愈多變故,未嘗不是好事。

【文:朝雲】

「啱啱表決左喇。」

「吓。。。」

廣告

***

廣告

周庭:而家唔係開心嘅時候,要重新思考將來路向,否則整個民間社會都處於迷茫。

學生:預左佢地唔想我地人多時通過。但就估唔到建制派離場,卻忘記通知自由黨,變左鬧劇咁。

學生:起碼成功抵抗一次中共的侵入。

學生:買左杯嘢飲,返嚟就謝哂。好似過左一段興奮日子,突然回復番正常生活。

學生和市民:大局已定,速戰速決其實都係好事。

學生和市民:女士沒有請假,見提早表決,趁午飯時間趕至;學生則是看到電視,立即衝過來,因為她擔心藍絲會衝擊我們泄憤。

學生:一下咁多嘅感動。但跟住就覺得將來有更多嘢做。

姨姨:祖居西貢的原居民,罕有地出來力撐民主。她強調自己在香港土生土長,未曾在大陸受過共產黨迫害,但在香港,便能見證它與中共的分別。

「細個時香港邊有咁多人?咁多人逃亡嚟香港為左乜?我仲記得嗰個場面,卻冇人講嗰段歷史。當年旺角警署後的太子道。全條街都係紙皮盒,大陸逃難過嚟嘅人冇地方瞓,唯有搭紙皮盒。當時香港人冇怨言。見過咁嘅場面,你會信共產黨咩?

至於其他原居民,英國未走前佢地親英國咋嘛,不過係一班既得利益者為左自己利益。共產黨不過用番嗰套收賣原居民。」

太太:儘管身坐輪椅,但聽到提早表決,還是執意趕過來。

學生:好愕然。預左否決,但冇諗到咁兒戲。

Jimmy和醫療隊義工:各路英雄重回政總,其實都認真以對,嚴陣以待。如筆者便已帶備五枚電芯,叉電器,衣服,心底亦準備要面對留守,衝突等事態。

Jimmy說鬆左口氣,衝係冇辦法中的辦法;

居中的義工說:「就似啱啱追完劇,追到最後一集,終於完左喇,跟住唔知做乜。」(大家都忍不住和應:係係係。。。)

另一位義工說:「推倒左要再建立番。下一步話修憲,又話搞其他嘢,係由零開始。」

Jimmy補充:「Season 1完左啫。」

發表意見