立場新聞 Stand News

喺任何關頭都唔放棄 就係最好嘅策略同原則

2017/3/26 — 18:18

問題選票中,有選委拖行蓋印寫上大大的「屌」字在選票上

問題選票中,有選委拖行蓋印寫上大大的「屌」字在選票上

朱凱迪今日講左句好重要嘅說話,我地呢幾個月,實在上得太多facebook,係時候停止呢堆網上爭執。回聲壁又好,圍爐又好,我真係為呢幾個月無休止嘅爭執覺得好無力。

如果呢幾個月,有人覺得我好無禮貌,成日冷嘲熱諷,我都想好誠懇咁向你道歉。(#鬧點解要守住原則另計)

事實係,就算投白票嘅人每人可以投多20票,加埋JT嘅票數,其實都唔夠林鄭多。我地「民主派」嘅實力遠遠不足,不論係組織勢力定網上嘅公關,我地都係不足,都係做得唔夠好。呢點真係無得否認,點解咁多人寧願相信一個建制高官,都唔去相信拉布、食棍、流血嘅抗爭者。呢種情況嘅出現,其實就係過去嘅我地做得唔夠多唔夠好。

廣告

到底民主係咪社會主流,經過呢次選舉我都幾肯定唔係,至少仲未係。而唯一可幸嘅,就係決勝負嘅時間仲未到,仲有三十年先到2047大限。呢段時間入面,與其相信現有嘅嘅官商鄉黑集團會有人轉駄,不如都係穩實咁建立下屬於民主派嘅勢力,無論係商界定基層,好明顯我地都做得未夠。

而去到2047果陣,中共在港嘅代言人、建制派同愛字頭都係而家嘅90後,而長毛、林鄭、曾俊華係果陣恐怕都唔會再好似而家咁。亦即係話,我地而家點去令更少人投奔建制,點去令個社會更加接受民主嘅理念,其實係直接決定左三十年後嘅戰局。

廣告

實力未夠之時,只能夠默然努力,準備好重新上路,繼續學習。五年後,我地會變得更強,喺任何關頭都唔放棄,就係最好嘅策略同原則。



#返去預備project先
#未睇嘅頁數多過林鄭d票

標題為編輯所擬;作者 facebook

 

發表意見