立場新聞 Stand News

嚟老懵董茶餐廳叫咗杯熱奶茶加冰走奶

2016/12/20 — 11:28

//女朋友好溫柔咁細細聲係我耳邊同我講:「准你今晚同我扑野,但唔准你鹹濕架!」//

//女朋友好溫柔咁細細聲係我耳邊同我講:「准你今晚同我扑野,但唔准你鹹濕架!」//

同女朋友行街經過老懵董茶餐廳,見行到攰,咪入去坐下囉。我例牌叫左杯熱奶茶加冰走奶,呢度至出名,好多人叫架。但女朋友話今日想轉下口味,所以佢叫左杯齋啡多奶。咁巧,隔離枱坐左個經常黎呢度打躉嘅阿叔,佢奉旨叫凍鴛鴦走啡,佢話飲左幾十年,始終最鍾意呢種味度。

我仲叫左份蛋牛治準備同女朋友一齊食。蛋牛治到左,女朋友話蛋治夾雜碎牛,令件三文治複雜化左,咁唔好,於是我同女朋友一齊夾手夾腳挑走曬啲碎牛,咁樣簡簡單單,專心食蛋治又幾好噃。

我食食下嘢,覺得賓周有點痕,於是細細聲係女朋友耳邊話俾佢知。最初女朋友塊面紅一紅,但好快佢知點解我條賓周會痕,因為佢上星期姨媽到唔方便同我扑野。

廣告

於是女朋友好溫柔咁細細聲係我耳邊同我講:「准你今晚同我扑野,但唔准你鹹濕架!」

我最初都覺得有點為難,扑野唔准鹹濕,點扑呀?但好快我贊同女朋友嘅決定,同得女朋友一齊,一定要學懂了解佢。而我鍾意佢之處就係,佢將事情分得好清楚,呢個反映左佢做人有原則,我好欣賞佢架。女朋友話,呢間茶餐廳個老闆曾經教佢,選舉不要有競爭,因為競爭不是民主嘅唯一標準,就好似我地識飲叫奶茶一定要走奶一樣,因為奶不是奶茶嘅唯一標準。女朋友好Buy呢一套,所以佢由細到大都好鍾意黎呢間茶餐廳。女朋友仲話,扑野時唔准鹹濕,係因為鹹濕唔係扑野嘅唯一標準。女朋友要同我一齊走一條有我地自己特式嘅扑野道路咁話。

廣告

諗落,又真係幾有道路喎。大家試諗下,其他人,尤其係西方社會嘅人,一般扑野嘅時候都好鹹濕。唔通人地鹹濕,我地就要跟埋人地一齊鹹濕架喇咩?我女朋友係世上獨一無二嘅,點解我唔可以同佢一齊走一條屬於我地兩個具自己特式嘅扑野道路呢?

我越諗越起勁,好想快啲食飽同女朋友一齊翻屋企唔鹹濕地扑野。女朋友話睇埋套戲先,因為茶餐廳部大電視,啱啱播緊周星馳套舊戲唐伯虎點秋香,女朋友坐係度剛剛睇左一半想睇埋先走。但女朋友睇睇下覺得唔對路,因為茶餐廳內其他茶客一路睇戲,一路笑到卡卡聲停唔到口。

女朋友話:「啲人睇戲笑成咁,娛樂化左睇戲呢樣嘢唔好!我地都係走啦,上你屋企扑野。」

於是我拿張單行埋去收錢處準備俾錢,個收銀員啤左我一眼示意唔收我啲錢。我差啲唔記得,當初老懵董開呢間茶餐廳時,話明唔想商業化,所以黎食嘢唔駛找數。
 

發表意見