立場新聞 Stand News

回應譚惠珠撐CY連任5年 鍾國斌:唔啱要即換 5個月都嫌長

2016/3/3 — 14:47

港區人大代表譚惠珠昨日稱,每5年換一個特首,對香港未必是好事,自由黨主席鍾國斌今早表示,他認同特首管治需要有持續性,但都要視乎那位特首的表現及理念如何,「喂,唔啱就即換啦,點解仲要等多5年呀?5個月都嫌長呀。」又稱特首如果「唔得」,「留佢嚟做咩」。

鍾國斌今早出席港台節目《千禧年代》時稱:

「我基本上認同佢話,個可持續發展係重要,點解呢,5年之後個特首唔認同之前個特首嘅做嘢方法,真係掉晒落垃圾桶喎,好似(前特首)曾蔭權嗰啲,而家梁振英一樣都唔要。

但係個問題係個管治理念,如果梁振英上咗場之後,香港個管治情況係變成咁嘅樣,大家可以想像,再畀佢做多5年個情況係點呢?喂佢個理念係咪啱香港人?喂,唔啱就即換啦,點解仲要等多5年呀?5個月都嫌長呀。所以真係要睇下個特首係咪得先得架,如果唔得你留佢嚟做咩?」

廣告

到北京準備出席人大會議的譚惠珠,昨日被問到梁振英應否連任,她未有正面回應,只稱連任制度可以讓特首延續施政理念,「我自己覺得在制度上來說,有時需要5年或更多的時間才看到他的政績。每5年換一套班子,change,改變,有很多對香港長遠有利益的事未必做得到。」

 

廣告

發表意見