立場新聞 Stand News

回應鄭若驊最新僭建 陳淑莊:明知僭建不處理 田北辰:有違法但小罪

2018/1/22 — 13:14

律政司司長鄭若驊昨晚深夜發稿,自爆自己港島南區的物業,亦發現有三處沒有登記紀錄的改裝。多名立法會議員要求鄭若驊詳細交待事件。公民黨陳淑莊透過查冊後發現,根據買賣合約,鄭若驊簽署確認以現狀買入物業,意味鄭對屋內僭建知情。陳淑莊質疑,「我唔知佢當時係唔係都係好忙,我唔知佢當時係唔係都係唔為意,明知有僭建都要買。作為一位專業人士,點解隔咗咁多個月都唔處理?」

建制派議員田北辰則指鄭若驊新爆的僭建問題「小罪好多」:「佢冇加大佢的空間,只不過呢佢做左啲內部調整唔符合規格,雖然都係違法,但係小罪好多。」

田北辰又指,「我所理解佢噚晚出嗰啲(聲明提及的僭建)都係屬於第二類(涉屋內改動),似乎無乜本身加大個面積。我睇呢,嗰啲好多人都會中招。」

廣告

對於鄭若驊於屯門獨立屋被揭僭建後多時才發聲明,田北辰指,「佢一個新人入嚟(政府),佢會唔會諗起非自住、又唔涉及擴大面積嘅嘢,相比佢而家水深火熱的那個情況(屯門海詩別墅寓所僭建),佢可能根本都不以為意。問題係佢團隊又有冇提醒佢呢?」

另外,對於鄭若驊以需時準備為由,拒絕出席今午舉行的立法會司法事務委員會會議,昨日卻出席電台節目「解話」;民主黨涂謹申批評鄭若驊自打嘴巴,又表示鄭不能迴避議員。涂謹申又指,事件已令政府公信力受損,質疑特首林鄭月娥是否無法令鄭若驊到立法會解釋事件。

廣告

律政司司長鄭若驊昨日早上出席商台節目,已透露正委託認可人士跟進她其他物業的僭建問題,但未有透露詳情,在記者追問時亦刻意迴避。鄭若驊深夜再發聲明,自爆自己港島南區的物業,發現有三處沒有登記紀錄的改裝,認可人士建議依原圖則修正,部分修正將盡快展開。

 

發表意見