立場新聞 Stand News

回望副校風波 對相識十多年朋友感失望 陳文敏:啲人變臉變得好快

2016/5/27 — 11:23

資料圖片:陳文敏 圖片來源:朝雲 攝

資料圖片:陳文敏 圖片來源:朝雲 攝

新的港大副校長(學術人力資源)人選近日已經開始會見學生代表,意味港大副校風波將告一段落。本獲推薦出任該職、但其後被否決的港大法學院前院長陳文敏,接受訪問時憶述,事件令他對一些認識十幾年的朋友感到失望,認為有人「變臉變得好快」,又質疑某些人在校委會會議內「點解會咁講嘢」。

陳文敏在今早播出的商台節目《雲常開》中,接受商台首席顧問陳志雲訪問,憶述在副校風波中,當知道自己獲推薦,只差校委會循例通過,以為已到尾聲,本已開始思考如何開始工作,但2015年左報對他舖天蓋地的攻擊,令他感到意外,事件發展也不如他所想象。

與梁智鴻碰頭 對方:今日天氣幾好喎

廣告

陳文敏指,事件中對人的失望多於憤怒的情緒,尤其在5月、6月,當有部分校委會會議討論內容開始被洩露,當時想:「點解啲人會咁樣講嘢呢?入面有唔少係我識咗十幾年嘅人。我又覺得,對一啲基本價值都唔堅持,都睇到啲變臉變得好快嘅人,嗰啲係失望多啲... 我過往認識嘅唔係咁樣嘅人囉」。他慨嘆,「人係會變嘅」,但自己沒有特別想他們為何會有這些改變,「當我仲係院長時一副嘴臉,而家又係另一副嘴臉,呢類嘢令我有啲失望」。

不過他指,不會不再當他們是朋友,又相信香港那麼細,日後一定會碰到,「相識過就係相識過,有啲嘢立場唔同我係絕對明白」。陳文敏又憶述,在校委會有決定前,他曾在校員中碰到時任校委會主席梁智鴻,二人迎頭相遇,「大家唔可以扮見唔到」,他笑指當時自己「當冇事」,而梁智鴻也「冇乜嘢」,還說了句「今日天氣幾好喎」。

廣告

發表意見