立場新聞 Stand News

因為一個人的「英明」 就連卡通人物都冇好日子過

2017/7/19 — 19:37

卡通人物 Winnie The Pooh

卡通人物 Winnie The Pooh

小熊維尼在中國已經成為了一個政治敏感詞。

— BBC 中文網報道〈英媒:小熊維尼怎麼得罪了習近平?

唔駛好耐,全中國再不容許其他人性習。犯君諱,罪大惡極,只能盡快改姓,否則一律狗頭閘恃侯。

當年毛澤東也不致於禁上人民用毛筆,習總開拓新天地,領導偉大的民族復興,可能仍然可以用毛筆,但就好有可能以後唔准再用習字薄。「習」這個咁神聖的字點可以亂用,成乜體統!

廣告

記唔記得滿清王朝時代有人因為文章用咗「維民所止」四個字,就被指「維」字及「止」字是暗示要殺「雍正」王帝個頭?而且因此要株連九族。唔係好耐啫,290年前之嘛,都未夠300年。喺共產黨領導下,國家要倒退起嚟,真係唔使坐地鐵,都可以話咁快就到。因此,在共產新中國,可能好快連個「日」字都會被屏蔽。

雖然呢篇貼文嘅題目已經迴避咗小熊維尼呢個咁有爭議嘅罪犯的名字。但係因為用咗個「日」字,可能會俾人話我別有用心。唔排除有朝一日,仍然可能俾人秋後算帳!所以,我都係奉勸各位朋友,睇完算啦,就當個傻佬喺度亂講嘢。唔好亂咁轉發,如果不聽勸告,一切後果自負。

廣告

 

作者 facebook

發表意見