立場新聞 Stand News

因為佢人品差,所以只會越做越差

2019/5/31 — 12:46

林鄭月娥

林鄭月娥

彼得原理:在一個科層體制內,每個人都會爬升到一個佢力有不逮的位置。

所以,做人最緊要係知所進退,應該知道去到邊個位置就滿足。唔係話叫人不去爭取進步,也不是叫人不求長進。不過所謂進步、所謂長進、所謂發展,其實有好多方面,有好多可能性,唔一定要升官發財,唔一定要升職加人工!

但林鄭月娥呢類人,你哋睇佢日日自己讚自己,經常自 high,以為自己「好有為」,又話自己好「識得做政策」,一時又讚自己幾「有效率」。呢啲咁嘅人,只會去到一個自己挖嘅氹。一個年年都考第一嘅人,如果仍然唔滿足,剩返落嚟的選擇好可能有兩個。第一個可能就係爭取成為一個品格上的完人,希望得到人人讚美;第二個可能性就係想獲得有權勢嘅人,例如老師、領導,讚佢係 good girl。

廣告

去到呢個咁嘅位置,力有不逮,惟有擦鞋,惟有做奴才,可能只係想自保。更加大嘅可能,係只能剩翻這一招令自己有機會繼續上升。歷史上,好多人都係去到高位然之後開始沉淪。所以權力係測試一個人品格的最佳驗方。

林鄭今日面對的問題,係佢嘅質地問題、品格問題。

廣告

未來三年,佢繼續做呢個特首位,只會繼續暴露佢性格中嘅陰暗本質,只會繼續人格沉淪。香港人亦都好難有好日子過。

千祈唔好期望佢會捍衛一國兩制,千祈唔好期望佢會代表我哋發聲!我哋大家都要自求多福!

 

作者 Facebook

發表意見