立場新聞 Stand News

團體周日元朗反水客 劉皇發稱不會劇烈「循例搞搞」

2015/2/27 — 12:09

圖:無綫電視新聞截圖

圖:無綫電視新聞截圖

有團體發起周日到元朗進行反水貨客行動,鄉議局主席劉皇發今天對記者表示,認為行動不會太「劇烈」,相信只是「循例搞搞」,不過他指新年期間,希望大家可以一團和氣,望搞事的人「縮縮手」,最好不要搞。

對於有人發起周日在元朗反水貨客行動,劉皇發表示:

元朗嗰度我略有所聞,我相信都唔會話搞得咁劇烈嘅,可能我睇吓循例搞搞啦,希望最好唔好搞啦,係咪?尤其是新正頭,大家都希望一團和氣,係咪?即係,我覺得希望想搞事嘅朋友,希望佢真係縮縮手,以大局為重,係咪呀?要團結先興旺吖嘛。

廣告

至於水貨客騷擾到居民的問題,劉皇發則指生意人與市民看法不同,不可一言而盡。他指「水貨客都係會影響社會秩序啦,係咪?但想賺多兩個錢嘅人又冇想呢樣嘢,都係希望大家能夠合作,不論水貨客又好、生意佬又好、市民都好,多啲包容」。

至於一簽多行應否封頂,他指社會仍在討論中,未有結論,究竟「一簽多行好,還是唔簽唔行好」,討論仍在醞釀中。而他個人還在考慮,哪種對香港最得益。
他又指未見有很大負面影響,他指做生意的想多賺錢,市民則希望社會秩序良好,生活不要受滋擾。另外,他指政改方案「袋住先」是可取的。

廣告

發表意見