立場新聞 Stand News

土地不足,等埋發叔,一齊蝦碌,查找不足

2015/6/22 — 8:30

有一班人用了一個最簡單方法,向政府來一個無聲宣示,同時也告訴那些自以為可以「一人一票選特首」的人,想一想知唔知自己「選」緊乜?

有一班人用了一個最簡單方法,向政府來一個無聲宣示,同時也告訴那些自以為可以「一人一票選特首」的人,想一想知唔知自己「選」緊乜?

政改方案以出人意表的結果收場,所有宣傳口號可以用來問逃兵:

「有票,真係吾要? 」

「等左咁耐,我都好想投票!」

廣告

「攪到香港停滯不前,以後要票債票償。」

「普選方案影響中國民主發展,吾投票點對得住十四憶中國人。 」

廣告

收到消息,我第一反應係建制派知道反對派28票堅定,政改肯定無法通過,不如離場保留退守,以後仍可以話我地最後都以大局為重,無投贊成票。事後才知道自己幫人諗多左,一切只是一場蝦碌,縱使主席已經講明點票要開始,不能再點人數, 一班小學生仍跟錯班長行出去,要獨立思考要求太高,反而個個識跟班長行出去好合常規,吾跟大隊會犯班規。

香港從未試過咁有戲劇性,國際關注泛民竟然成為大贏家,網民派花生派到滿天飛,劇照0咀的嫻姐、含淚偏咀的鋒鋒 、愕然心驚點解係我的發叔、哭泣的葉劉,一套連續劇好睇過著左摭羞布的武則天。

發叔近來已經開始退位比個仔,勢估吾到臨尾比人擺上檯,做返次網絡紅人,不過有危有機,呢個彩頭紛紛鐘幫啊仔攞定資本,革命需要肯犧牲的英雄,歷史會記得你。

最勵害係姓屈個位,在6月19日刊出的「失智的土壤」,應該係寫定比泛民既,結果?愛你變成害你囉!

場內戲劇,場外鬧劇,一班數字大漢撐場變敗走。議會上仍有制度可言,但場外的惡勢力才真正可怕,因為他們會一直 扮作大多數 ,分化香港 。香港人未經歷過文革、三反四反、在政治上只係BB班,才會有人相信撐場的大嬸及數字大漢不是收錢的。

延伸閱讀

失智的土壤

問下數字兵團片段

發表意見