立場新聞 Stand News

地獄門外的思考

2018/11/28 — 15:15

作者 Facebook 圖片

作者 Facebook 圖片

香港嘅政治版圖果然好似梁天琦講,已經由二分天下嘅楚漢相爭,變成三分天下嘅三國時代。

唔係你想唔想嘅問題,呢個已經係現實,今次選舉睇到哂。我哋一定要接受。泛民同本土(尤其泛民)嘅持份者同支持者,都應該學習接受呢個事實:泛民、本土、建制已經係三個獨立分開嘅陣營。

本土嘅票同埋支持係唔會 by default 幫泛民嘅。泛民候選人想搲埋本土嘅支持,要俾多啲 effort,譬如搵本土嘅 stakeholders 去 endorse 你之類。如果你說服唔到人,結果冇本土選民撐你,係你冇用,唔好鬧人。因為人哋本來就係另一個陣營嘅(即係藍絲選民唔會投票俾你泛民一樣)。

廣告

咁當然,反之亦然,本土亦唔能夠 assume 泛民選民會幫佢哋(但係應該唔會有人咁諗)。

大家都要調整心態。本土無需再嘢嘢捉住泛民嗰啲「關鍵一席」之類嘅論述嚟鬧,因為嗰啲論述嘅 target audience 根本唔係你哋。相反泛民亦無需再嘢嘢捉住本土嗰啲「焦土」之類嘅論述嚟鬧,因為嗰啲論述嘅 target audience 根本唔係你哋。

廣告

唔好同我講:唔團結,點打共產黨。

而家散到咁,其實都 nothing to lose 啦下嘛。相反,其實唔同嘅陣營唔代表冇合作嘅機會,只係大家唔好 take 對方 for granted。

其實分清分楚,有可能仲容易合作過依家㗎。譬如,如果今次李卓人搵到葆 Baby 鄺葆賢幫佢公開站台,成件事就唔同哂啦。但係泛民如果有心攞佢地嘅票,你嘅人選(事實係李卓人根本就係本土最棹忌嘅大中華膠)、政綱、論述要說服到本土派幫你站台咁囉。

不過攪清楚,劃分本土同泛民嘅目的唔係為咗將來合作,只係希望為雙方做好期望管理,停止互耗,damage control。將來合唔合作到,真係其次。因為就算合作唔到,起碼都唔會衰得過依家。

一對性格不合、勢成水火嘅夫婦,如果分開,磨擦少啲,反而可能關係冇咁緊張。就算做唔番朋友,起碼自己都唔洗咁辛苦先啦。

困埋一間屋,困獸鬥有時仲衰㗎。

 

作者 Facebook

發表意見