立場新聞 Stand News

地鐵站遭男子挑釁 一度拉扯講手 梁天琦:幫《大公報》做狗仔隊?係咪!

2016/8/14 — 11:52

壹周刊上載至youtube片段

本土民主前線發言人梁天琦,昨晚深夜在港鐵太古站與人發生爭執,雙方互相拉扯推撞,梁的眼鏡被打跌地上。據《壹周刊》《蘋果日報》報道,有目擊者昨晚11時左右,途經太古站B出口時,目睹身穿紅色T恤的梁天琦,與一名穿灰衫的男子爭吵,並拍下情況。

片段顯示,兩人以粗言互駡,當時梁天琦T恤已見破損。港鐵職員及男女等將兩人分開。灰衫男子問道,「你驚呀!身有屎呀!」梁天琦反問「你中咗幾多捶?」其後,梁天琦一度用手機拍攝該名男子,男子隨即「變面」,「梁天琦打人,嘩,梁天琦打人,仲話講民主,先生快啲幫我。」

梁天琦向該男子罵道,「幫《大公報》做狗仔隊丫嘛?係咪!幾十歲人,有人唔做,做共產黨隻狗!」

廣告

兩人一直互相指罵,之後再有拉扯推撞,梁天琦的孭袋及眼鏡跌在地上,有港鐵職員及數名男女勸止,再分隔兩人。

警方公共關係科發言回覆傳媒查詢稱,昨晚11時48分接到港鐵太古站有人打架報案。警員到場沒有發現,案件列糾紛處理。《立場》今日中午向梁天琦查詢,暫時未獲回覆。

廣告

梁天琦網台節目中稱 大公報記者聲稱將其家人起底

梁天琦在昨晚網台節目,曾提及再被左報記者跟蹤,未知當時打鬥事件是否已發生。 他提到錄製節目之前,「又俾《大公報》記者喺條街度追住我嚟錄啦,不斷挑釁我哋,真係想打鳩佢。但人哋又拎住部cam錄住你,咁又無理由一鎚打埋去,咁所以就無計啦。唯有係認住佢哋個樣,之後跟鳩返佢哋囉。如果唔係可以點?」

梁天琦指對方不斷挑釁,「話你屋企人點點點,你有幾多個屋企人,你屋企人喺邊度喎,起晒屋企人底,同講晒你啲嘢…不斷挑釁,叫你有無咩回應。」

梁天琦提到,若然真是打他,或者被控普通襲擊,本身已被檢控暴動等罪的他或因而不能保釋,「打鳩佢都不是上策」。

梁天琦早前在facebook指,被一架私家車跟蹤近一個月,並發放一段短片。片段顯示他與另一發言人黃台仰上前查問私家車兩名男子的身份,其中一名男子稱,「你哋都知我邊度,阿爺嘅!」黃台仰又問男子所屬「部門」,該名男子稱,「報紙呀」。

 

 

發表意見