立場新聞 Stand News

執紙皮婆婆哭訴長者難搵工 羅致光:可以搵勞工處協助就業

2019/4/2 — 12:53

香港持續人口老化,政府一直鼓勵長者重投就業市場,67 歲執紙皮婆婆黃月嫻今日在立法會公聽會,向勞福局局長羅致光哭訴,指自己過去兩年「搵咗十份工無一份有人請」,希望政府好好規劃長者就業措施,令長者活得有尊嚴;羅致光回應表示「佢可以搵勞工處協助就業」,黃婆婆聞言後在座位上痛哭。

對於羅致光的說法,公民黨郭家麒表示「真係無嘢好講」;工黨張超雄就狠批官員冷酷無情,「局長係咪可以話,去搵勞工處,就解決咗呢啲貧窮長者問題, 有幾多老人家好享受執紙皮?」

立法會今早舉行公聽會,就本港貧窮情況聽取團體意見。67 歲的黃月嫻發言時表示,她是低層退休公務員,每個月 3000 多元退休金難以糊口,政府鼓勵長者就業,她過去兩年亦一直嘗試搵工,包括診所清潔、快餐點以至鐘點工人,但全部都無回音,所以只能靠執紙皮幫補生計,「面對貧窮有時好無奈好被動」;她表示長者不是不想就業,但政府並無提供協助,希望政府改善長者就業措施,令長者有更多工種可以選擇,「同僱主講下唔好年齡歧視」。(另見黃婆婆意見書全文

廣告

羅致光發言時多次強調,政府一直有增加福利開支,希望未來幾年貧窮數字能反映到政府各方面政策的成效。公民黨郭家麒要求羅致光,回應黃婆婆的情況,「希望局長直接答王女士,你點建議佢」,羅致光僅以「佢可以搵勞工處協助就業」回應,黃婆婆隨即痛哭。

張超雄發言時對黃婆婆致歉,「好唔好意思,局長竟然咁樣講」,批評羅致光冷酷無情;羅致光之後補充,年紀較大的長者,亦可以到再培訓局接受工作介紹,希望長者不要介意尋求協助。

廣告

發表意見