立場新聞 Stand News

填海規劃何時增至 1700 公頃? 林鄭:不知道、非我決定、唔係好記得 ...

2018/10/11 — 16:53

《施政報告》提及「明日大嶼」計劃,在東大嶼山外水域填海1700公頃,較土地供應小組建議的填海1000公頃,面積大幅增加。行政長官林鄭月娥今早面對電台節目主持四度問及為何最終建議會較之前增加700公頃,四度表示「不知道」、「不是我決定」、「唔係好記得」等字眼回應,指是規劃處官員建議,又指計劃可以分階段執行或修訂。

林鄭月娥首先被問及何時決定要進行1700公頃的填海工程;她回答指,「這個不是我決定,這個是我的技術工程的同事,在做規劃過程裡面提出。」香港電台主持人葉冠霖追問,在政府「2030+」計劃中建議的中部水域人工島,面積只是1000公頃。林鄭月娥再指有關的規劃會不斷研究,而本屆政府決定土地供應須持之以恆,「所以在這個概念之下,同事都覺得要有個土地儲備,即係有彈藥係度呢,令我們的工作易做好多。」

先後指規劃署或可持續大嶼山辦事處決定

廣告

葉冠霖其後第二度追問,指四月時即土地供應專責小組提出土地大辯論時,小組建議的填海面積仍是1000公頃,林鄭月娥如此回應:「我唔知喎,因為四月份果個工作係規劃署交畀土地供應小組做諮詢,亦都唔係話政府決定咗計劃。」

葉冠霖其後第三度問林鄭月娥,政府的工程團隊何時計出1700公頃這個數字,林鄭回應:「我都唔係好記得,因為正如我所講呢,呢個叫做『可持續大嶼山辦事處』係存在咗一段日子,唔係我成立,係上一屆政府呢,做完咗一個大嶼山既公眾諮詢,甚至有個大嶼山既諮詢委員會啦,就喺上一屆政府臨尾應該出咗成本書,根本就成立咗『可持續大嶼山辦事處』,跟住佢就進入去佢本書來研究,咁大概就係我做施政報告過程,大概今年年中到開始做presentation,即係介紹,我哋啲同事做咗咁樣,特首你覺得點?咁我覺得作為一個有科學根據,而且已做咗,而且又滿足到依家所謂嘅刻不容緩,而且又要有土地儲備,咁我都接受。」

廣告

稱無參考團結香港基金建議

到商台主持陳聰問林鄭月娥,她的同事有無向她交代「跳進」增加填海面積的原因,她說:「我都無去理解究竟係咪一個跳進。因為工作係由呢個拓展處下面嘅辦事處來做,一個就係規劃嘅工作。」她指自己做過城規會主席,指城規會工作是較概括性、籠統性;而工程部門就是拿著圖則去了解工程是兩碼子的事。

對於被指1700公頃填海計劃由吸納團結香港基金的建議,林鄭月娥稱決策過程完全無和團結香港基金「對數」,亦都無特別交流或參考對方計劃。不過她指如果基金和政府方案相類近,「原因係好簡單,因為係科學性咁做(研究)。」她指政府是聘用多名工程師研究,而團結香港基金亦聘請工程顧問做研究,在考慮航道、水流及水深後得出的結論。

發表意見