立場新聞 Stand News

壞咗嘅舉手機器

2016/3/14 — 10:38

作者製圖

作者製圖

投票時有人贊成反對都舉手,咁嘅投票係咪仲係有效嘅投票?我唔識答;但係一個充斥住一群既無恥又弱智嘅議員嘅議會,一定係一個失效嘅議會!

唔好再話啲廢柴係舉手機器,因為佢地唔配;就算係,佢地都係一堆壞咗嘅舉手機器,連幾時舉手幾時放低手都唔識,同廢物冇分別!

有陣時我真係好想探討下,投票支持呢班建制廢物嗰四成幾人係咩野人?當中有幾多係同佢地一樣咁無恥,為利益為着數可以出賣自己嘅家園同人格?又有幾多係同佢地一樣係弱智,以為呢班弱智先係超卓。當然,無恥同弱智兼備嘅,已經被吸納咗做建制派議員!

廣告

有陣時我又會無聊到幻想下,如果我係阿爺,對住呢班廢柴會點諗?究竟會係真心覺得佢地好幫到手,定係求其佢地『交到貨』就話知班友柒到核爆,反正用完即棄!

更無聊嗰陣,我仲會諗如果我係呢班無恥弱智嘅屋企人會點?唔使講到正義、道德、良心咁高層次,淨係日日睇新聞都睇到佢地啲柒野,正常人都會登報同佢地脫離父子/兄弟關係。

廣告

唔好再問點解啲年輕人掟磚,要問就問:點解唔留啲磚嚟掟呢班廢柴!

發表意見