立場新聞 Stand News

外遊因「保安問題」check in需時 羅冠聰嘆「可能因為我唔係姓梁啦」

2016/4/19 — 12:55

特首梁振英23歲的幼女早前遺下手提行李,最終由機場人員為她送入禁區,事件惹來濫用特權以及保安的爭議。與梁頌昕同齡的「香港眾志」主席羅冠聰今日指,自2014年打算乘國泰航機前往北京被拒後,便成為國泰不受歡迎旅客,每次都因「保安問題」,辦理登機手續需時,今日赴美也遇到同樣問題,令他不禁在Facebook慨嘆,「坐飛機入禁區,特首就暢通無阻,我就永遠有保安問題。可能因為我唔係姓梁啦。」

羅冠聰今早到機場,準備去美國不同大學演講和交流,約中午時份上載一張他在機場的國泰櫃位,辦理登機手續時的照片,並表示:

「坐飛機入禁區,特首就暢通無阻,我就永遠有保安問題。可能因為我唔係姓梁啦。

一四年年底,登機前往北京被拒,果班機,係國泰。自此之後,我就成為國泰不受歡迎旅客。

上年,坐國泰去美加,去程同回程都喺counter搞左一個鐘,因為check in時屏幕寫住有保安問題,要等高層處理。

去到兩年後今日,到國泰counter等check in,一樣遇到好多保安問題,要勞煩幾個地勤處理。我真係完全唔expect件事過左咁耐,我個帳戶仲依然係顯示有『保安問題』,搞到依家半個鐘都未搞掂,人地呀頌昕半個鐘行李都運到入禁區,我仲security check 緊。

因航*,幾時先肯放過我。」

廣告

不少網民都在他的照片下留言,叫他罷坐、杯葛國泰,但有人認為其他航空公司可能都有類似做法;亦有人加入揶揄梁振英,例如「打電話搵老豆幫手」、「另一種『特事特辦』」等。而羅羅聰其後回覆本網指,今次辦理登機手續花了他半小時至45分鐘。

(*編按:「因航」是網民諷刺國泰的稱呼,即「因管理不善而從全球最佳航空公司排名榜節節下跌的國泰航空」的簡稱。)

廣告

發表意見