立場新聞 Stand News

多謝共產黨施捨回鄉證?

2016/11/30 — 17:56

回鄉證及舊版通行證(圖片來源:維基百科)

回鄉證及舊版通行證(圖片來源:維基百科)

【文:劉貳龍(前學民思潮發言人、大專新聞系學生)】 

1,傳媒消息指北京會宣布,比泛民申請回鄉證返大陸「交流」。如果香港真係中國不可分裂的一部份,咁講香港人即係中國人啦?國民的出入境自由本來就係基本人權,依加中國共產黨將公民應有權利講成皇恩浩蕩,睇黎思想重停留係封建皇朝,朕話得就得,唔得就唔得。法治咩黎架?食得架?搶完人野走,跟住N年後比返人,之後重要當施舍?真係多撚謝你,洗唔洗加多句謝主隆恩比你啊?

2,其實擁有回鄉證本身又唔算係咩大罪,香港人即使係黃絲都好多人有返大陸探親或工作之類,人有自由權利決定去邊到嘛。但係依個敏感的政治時勢,中共「施舍」張回鄉證比你,返去同佢密室談判,接受統戰。將你本身應該有的出入境權利,扭曲成因為想「密室談判」而拎張卡的「投共權利」,成件事真係錯Q哂。將取回普世人權變成人人喊打的惡行,真係共產黨先諗到咁狗既事。

廣告

3,統戰策略,拉一打一又黎啦喂!這邊箱以司法覆核為政治武器,剝奪獨派同自決派的議席。跟手同你打官司燒錢紙,再追你酬金同津貼,坐得係議席越耐,錢還得越多,玩到你破產為止。此外中共又嘗試以青政之死,嘗試迫自決派變得步步為營,畫地為牢,退又退得難睇(例:劉小麗說早知道宣誓程序是如此嚴苛,就會按正常方式進行)。那邊箱,嘗試將不滿青政辱華和主張港獨同自決的泛民,拉返去「又傾又砌」的路線,加強分化本已碎片化的非建制派,削弱非建制派的政治力量。

4,其實民主派係咪都要中箭,拎左張回鄉證返大陸同中共傾,成件事會變「XXX,賣香港」,恭喜你榮獲投共之名。同埋釋法屠刀斬到非建制議員一頸血時,內部又要內鬨一次,元氣大傷。唔拎卡唔返大陸傾,中共又話係你唔珍惜機會溝通,責任在泛民身上。你又會得失班超級溫和選民。係啊,世界上都重有人信依套「又傾又砌」,只係佢地好少出現我地fb個wall到先唔覺眼。天啊,人生真係so9sad!

廣告

5,屌,其實你都無得揀架啦,咪鬼返大陸同中共傾啦,同選民解釋無意義的會面,不如不見。真普選又唔會比你傾到返黎架啦,唔係當年就唔會有831決定同白皮書。特首ABC你民主派最盡得300票,其實689又唔會真心過黎跪你票,佢都係搵其他900個建制選委,等中共Say Yes操縱班選委投票比佢。其實件事又唔到你話事。你話上去進言,無政治實力,咁中共點解要聽你講?中共唔係胡溫時代好耐了。

6,青政淨係「講獨」被DQ。連自決派講民主自決,最終有機會出現N個前途選項比人揀(唔可以大家投一國一制,願意回歸祖國懷抱既?),都會被中共將港獨直接等於自決,而準備被DQ埋。有份係傘運叫「命運自主」的民主派,自決派都死後話唔定到你地架啦,別心存僥倖。所以與其浪費時間於無意義的會面,不如花時間諗對策同議會抗爭更好啦。況且接受中共統戰,苟延残存,主要敵人被解決後,下個就到你這個次要敵人。你走得去邊呢?

移民?你準備好坐洗頭艇返黎未?

 

(本文原刊於作者 facebook;作者配圖為此

發表意見