立場新聞 Stand News

大媽政治

2015/6/29 — 13:24

本土派在菜街同大媽對峙,被警方噴胡椒,之後佔旺期間之古靈精怪人物又出動,同晚黃之鋒錢詩文在大角咀遇襲!

大媽參與政治,早在反東北集會中出現,之後佔領期間就去將軍澳工業村阻止蘋果出紙,政改落區時幫手造勢。大媽作為一種政治工具,肯肯定唔係源自香港本土,係內地輸入。內地真正借大媽搞政治乃「重慶模式」,薄熙來最先認識廣場大媽的政治潛力,推出唱紅打黑,用文革一套群眾宣傳方式為重慶模式造勢,唱紅歌活動甚至曾殺入香港大會堂。大媽唔係無知婦孺消閒活動,乃文革政治文化復活,香港人冇得包容。

內地大媽係文革成長一代,五十年代中至1966年文革開始出生的,小學中學時代鬥老師搞革命,全國串連,人生理想是去天安門接受毛澤東檢閱,冇知識冇文化,但懂政治。呢種文革集體愚昧,香港人見識過,因為當年不少人為了命運自主,偷渡游過大鵬灣,冒死來香港找尋新生活,離開集體愚昧,亦因此改變了下一代的命運。

廣告

香港人對呢種唱紅歌大媽廣場舞唔接受,係正常反應,尤其在公共地方,點解本地樂隊賣藝就得,大媽就唔得,香港人會懂得分辨。因為大媽、廣場舞、唱紅歌、數字人、曬馬、黑幫、土豪劣紳,係聯成一缐。

廣告

發表意見