立場新聞 Stand News

大時代的預言:丁蟹壓根兒就是中共

2015/4/21 — 10:40

《大時代》截圖

《大時代》截圖

廿多年前的劇集,今日再睇返,真係冇辦法唔佩服佢係神劇。神劇的其中一個特點是超前時代,對未來作出預言。

你看第一集,丁蟹壓根兒就係中共,一個狂躁、暴力、神經質、有控制狂的「精神病患者」,極度自卑也極度自大,鍾意用武力控制一切,但一邊又苦口婆心,無端端會大情大聖,同你講「基本法字字有愛」。

對丁蟹而言,呢個世界就係有兩種邏輯,一種係邏輯,一種係丁蟹邏輯,佢做咩都有佢嘅道理,都一定啱,你做咩唔順佢意就一定係錯。試問代表西方文明、理性價值的方家,點同一隻打橫嚟嘅蟹講道理呢?好似今集咁,方俊新係咁問「我點得罪你」,丁蟹就不斷講「你心知肚明」,呢個係典型中共邏輯,就係根本講唔出你有咩問題,硬塞一句「你心知肚明」、「你別有用心」就當定咗你死罪。

廣告

丁蟹初時好窮,但四個仔靠黑起家,壞事做盡而發大達,又夠運,滾到五十億身家,發過豬頭,這不是今日鄰近地區的寫照嗎?

廣告

今日重溫,忽發奇想:點解玲姐咁似香港?明明係講理性文明(讀到F7在那個年代殊不簡單),點知畀丁蟹搶咗,點講唔愛丁蟹佢都唔聽,係要用威嚇手段迫你讀蟹民教育,迫你愛佢。最後畀代表理性文明的方俊新救咗,可惜幸福只是短暫,方俊新畀人打死咗。最後玲姐名義上高度自治,自力更生,一家人一直力抗丁蟹,但最後成家死剩方展博,就好似啲核心價值死晒。最後,到了夠鐘嘅時候(五十年?),玲姐都畀丁蟹玩死埋。嘩,簡直有點預視咗香港嘅命運。

最後,只希望神劇最終言中,來一個大奇蹟日,搞掂丁蟹。

 

原刊於作者博客

發表意見