假才子

假才子

比較政治碩士學歷,現為傳媒工作者。「假才子」是因為現在流行才子才女,但又沒人敢承認自己是假大空才子才女,故先行澄清。文章寫得不好還請見諒,畢竟我不是真才子。

2019/2/25 - 18:45

大灣區威脅豈止經濟融合

大灣區 highlight 的是香港冇權 say no

大灣區規劃出爐,好多評論文章出現,我睇到其中兩篇,一篇講擔心被規劃後香港失去獨特經濟優勢,另一篇講挪威加入 EEA(歐洲經濟自貿區)後失去經貿自主權。

大家重視香港是否因為經濟繁榮?我諗唔少網民其實唔 care 香港的所謂經濟繁榮,因為 GDP 再高、稅收再多,一般市民都無福消受,人工都係追唔上通脹、樓繼續買唔起、公院繼續逼爆,連退稅都可以煩過人。我諗大家更怕文化同思想融合,要香港人心態上完全變成大陸人,香港冇哂思想自由同法治,咁樣香港先係完全變成大陸求其一個城市。

廣告

經濟被融合,係會有影響,但唔代表文化同思想融合必定跟隨而來,睇下歐洲融合之下各國仍然有強烈身份認同。挪威失去自主權,主要係經貿上要硬食歐盟訂下的規矩,但依一點任何自貿協議都可能有,挪威仲加入左北約,軍事上都係冇完全自主添。最緊要,挪威仍然有終極的 say no 權:挪威人 2 次公投否決全面加入歐盟。

大灣區規劃 highlight 的威脅不止經濟融合,仲係香港根本就冇得揀冇得 say no,中共早已全方位操控香港政經社會方方面面,大量所謂政商界精英樂於賣港,市民硬食。具體嚟講就係:

  1. 香港有班所謂政商界精英,係以中共利益行先,咩規劃都係睇中共頭
  2. 好多愚民亦係聽中共話
  3. 你講本土,就係港獨、歧視、派外、閉關鎖港
  4. 洗腦教育,等你下一代都係聽中共點
  5. 語言攻略,文化同化,等你冇哂獨立身份認同
  6. 傳媒同言論自由不斷被削弱,冇哂反對聲音
  7. 歐盟冇得 DQ 反歐盟派。港府自動幫中共 DQ 反對派
  8. 挪威人可以用選票換政府,香港人冇。現屆挪威政府執政聯盟就包括一個反移民兼反歐盟的政黨
  9. 仲以為 JR 有用,有事靠法官?人大釋法一嘢 KO
  10. 挪威要容許歐盟國民居留,但佢哋唔會自動變成挪威國民。香港每日有 150 個新香港人,擁有全部政治同社福權利

 

作者 Medium