立場新聞 Stand News

【女兒來稿】6.12 被警射傷 肺癌爸爸老吳的心聲:希望大家盡力保護年青人

2019/6/19 — 13:43

反送中6.12佔領

反送中6.12佔領

【文:Frances】

連日來真係好感動,有住不同界別人士 approach (編按:接觸)我們。對爸爸的支持、關心真係 can't find a right word to describe(編按:警務處處長盧偉聰語,意即很難找一個恰當的詞語形容)。親人、好友更加出心出力幫我,找出警方對我爸發射橡膠子彈一刻既影片。雖然自今仍然未能找到一段清晰的影片,警方現時起訴非法集結,亦已拿了搜查令到我家搜証,希望日後改控暴動罪,可見警方決心 ... 但係我們不會屈服,都不會灰心,因為我地都係香港人。

老吳身體仍然虛弱,身上被警察打傷既瘀痕仍然未退,但可幸已可行走,但精神狀態還未恢復。至於其他長期疾病,本就不是一日會好的。但不用擔心,老吳會支持落去。現時他最關心的是受傷被捕的年青人,他們絕對是香港的未來,天下間沒有父母會容許別人槍指手無寸鐵的年青人,這點無容置疑。老吳表示,即使重來幾多次我爸仍會出黎責罵「警你老母」,總有藍絲喜歡指責當天站出來的母親或我爸是做戲,有收受金錢,搏出位而這樣做。

廣告

但用生命嚟做籌碼的,我真係第一次見。

佢地既初心(既然林太喜歡講初心,我用返佢比較容易理解的詞彙吧)都係痛心熱愛香港的年青人。老吳表示,二百萬人遊行他無法參與,但感受到香港喺這兩個星期最動人既團結。無論 6.9 / 6.12 / 6.16,年青人高度的參與同參與,老吳希望我地要盡力保護他們,希望律師/ 記者/ 議員都可以幫忙。

廣告

有關連日來好多記者希望爸爸能夠出嚟接受訪問,可能暫時都係未太適合,希望各位體諒。

有關下列幾點可以重申一下,我跟爸爸立場都是一致,請大家必定要同心合力追究警方濫用武力,一定要 address (指出)。因為呢個關乎全港市民既安全,以前會保護我們的,不見得以後如是。防暴警察的制服設計非常有問題,穿上簡直係可以胡作非為,即使喺鏡頭之下,又如何能識別警員身份?所謂監警制度不過係空殼,而被捕後我和爸爸多次要求警員出示委任證,亦諸多推塘,令我們難以追究。因此呼籲必定要集合最大力量投訴警方,盧偉聰絕對無可能可以推塘下屬,totally bullshit!!   

至於撤銷暴動一詞,自然係理所當然,5 個人既暴動,咁 Sailormoon ,Millions 都係暴動片啦!

另外一定要關注醫管局的系統設有側門予警察得到病人資料,絕對要追究到底,一人一信投訴吧!醫生本來係救人,點解要令市民連對住醫生都要戰戰競競 ...

究竟幾時開始屬於香港人的政府,會變成傷害我們、會令人失望、會令港人心驚膽怯呢?過去發生的已經無辦法改變,但團結係我地唯一的出路,香港人絕對可以扭轉局勢 各位 7.1 見

Frances 後記

老吳係我爸爸,大家可以輕鬆開心慶祝父親節,但我爸爸仲係要臥床休息,但佢得到咁多人支持,一定一定會撐落去睇住林太落台

ps. 希望大家有影片要send 俾我

#向烈士致敬
#我地無贏過
#睇夠d推波記者會
#咁叻做戲可以去cctvb
#老吳開心之鋒歸隊
#fightforgreenman

(標題為編輯所擬)

發表意見