立場新聞 Stand News

港警好克制,美國一早打死更多人?

2019/10/7 — 11:11

圖片素材來源:uk.gov

圖片素材來源:uk.gov

點解 2017-18 年,美國警察執勤時槍殺了 968 個市民,而英國警察只槍殺了 4 人?

近日時時有人講香港警察已經好克制,如果喺美國一早打死咗更加多人。我只能夠講,大家好學唔學走去學美國!美國係一個惡性循環,民眾可以有槍,於是警察嘅武力又要升級應付。結果單以 2017-18 年為例,美國警察執勤時槍殺了968個市民。但另一個文明強國英國呢?只有 4 人死於警察槍械(仲要有三個係死於倫敦橋嘅恐怖襲擊)! 點解分別咁大呢?讓我告訴你其中一個最主要的原因。

簡單來說,要建立安全嘅城市,原來係要由制約警員嘅裝備開始。以英格蘭和威爾斯為例,2017-18 年嘅數字總共有 122,000 警員,而只有 6,500 警員有配槍,即是只有 5% 警員可以持槍執勤,95% 嘅警察係冇炮嘅!你沒有看錯!這是英國多年來嘅政策,限制維持治安嘅警察不能擁有大殺傷力武器!各位喜愛穩定、治安和秩序的香港市民,只有 5% 嘅警員配槍執勤,英國有沒有因此成為暴徒和罪犯嘅天堂?我相信大家會認同英國是一個相當安全,能夠安居樂業嘅國家。

廣告

如果大家真係想香港穩定、安全,請不要再效法美國而要學習英國。 容讓裝備不斷升級,不斷武力鎮壓示威者, 和處理日常執勤,只會引來更大反彈, 製造更多傷亡和暴力。相反,英國警察讓我們看到九成半的警員沒有配備手槍,於是只能以更和平的方法維持治安,結果很多時候就不必要出現傷亡,而又能解決社會問題。

關心香港治安、穩定、安全嘅朋友, 你知道繼續支持政府和警察使用不必要嘅武力打壓示威者,正正就會令你嘅願望永遠無法達成嗎? 這條美國之路,只會是一條不歸路。 你所不願看見嘅武力衝突只會越來越多。

廣告

關心警員和警員家屬的朋友,繼續支持政府和警察使用不必要嘅武力打壓示威者,只會令日後執勤時更不安全。停止武力升級嘅惡性循環,學習英國警方限制警員執勤時嘅裝備,先至會係令警員工作得以安全嘅長遠出路。

特區政府,如果你真係想社會安全穩定, 定立反幪面法、用更大武力打壓示威者,都只會創造惡性循環。 文明嘅英國已經示範,制約警員武力,使用更和平方法維持治安,才能建立到真正安全穩定的城市。

面前有美國和英國兩條路,要揀一條正確嘅路仲嚟得切,仍然未太遲。

作者 Facebook

標題為編輯所擬。

發表意見