立場新聞 Stand News

如果我係記者,會追問警方三大具政治效果的問題

2019/8/14 — 16:23

如果書生係記者,會追問警方依三大具政治效果的問題:

1. 由 6.12 開始到而家,警隊誠信同專業都受到公眾嚴重質疑,有公眾認為林鄭月娥推你哋警隊受靶,自己匿埋係背後風流快活,你哋同唔同意?若唔同意,係唔係即係代表你哋警方堅定同林鄭月娥政府站喺同一陣線,並唔係好似坊間咁講係身不由己?

2. 你哋一直強調話警隊只係負責執法。但警察都屬於公務員,根據公務員守則,你哋要完全服從行政長官命令,咁如果行政長官嘅命令不合法或者極度離譜違犯人性例如叫你哋開真槍射擊示威者,你哋又會唔會遵循?你哋會以法律同道德為最高準則,定係行政長官命令為最高準則?
(如果答前者,可以繼續追問:「即係警方有可能唔聽行政長官命令?」)

廣告

3. 一直有傳解放軍或內地武警嚟咗香港執法,你哋前日喺記招講明話保證絕對無咁嘅事,咁如果真係有示威者捉到一啲疑似解放軍或內地武警係本地非法執行事務,你哋身為服務香港人的香港警方,會唔會拘捕佢哋?點解會,或點解唔會?

 

廣告

(標題為編輯所擬)

作者 Facebook

發表意見