立場新聞 Stand News

【妳講哂囉】李慧琼促泛民跟「民意」撐政改 卻又稱「每次投票都睇民意唔合理囉」

2015/4/23 — 20:20

新任民建聯主席李慧琼,今早在電台節目中指,民意是重要考慮,有過半的支持就是「多數」;她指具否決權的議員不應不理民意,質疑泛民無論如何都否決的立場。但當主持追問如有過半民意要求議員否決,「李慧琼你點睇?」,李慧琼即沉默兩秒,稱「議員除咗考慮民意,仲要將支持或反對嘅理由話畀市民聽……如果話每次投票都一定要去睇民意,就唔合理囉。」李又強調自己「衷心.相信」通過政改有助香港民主進程。

李:民意係一個關鍵位,講道理都係一個關鍵位…

主持:李慧琼你覺得民意去到幾多成,算係一個有效指標,泛民要聽?

李:議員投票要將理由清楚向市民講述,民意係重要考慮。我哋認為過半嘅支持呢,已經係一個多數,過去不同民調都有接近六成市民希望政改向前走。我衷心相信行前一步,上民主列車係對香港民主發展有利。同埋我覺得說理係緊要嘅。你將呢個問題問下有否決權嘅議員,多次都話喂,無論幾多成民意,佢哋都唔會諗。咁我覺得問佢哋就…(笑)

梁:喂,你都有否決權,不過你唔會否決咁解啫。

主持:如果有過半民意係要否決,咁李慧琼你會點睇?

李慧琼:(沉默兩秒)呃…點…會點睇?我,正如我多次講,議員投除咗考慮民意,仲要將支持或反對嘅理由話畀市民聽。

主持:即係民意只係參考因素之一,唔影響個決定?

李:又唔能夠話唔影響嘅,咁一個民選議員,尤其是我而家係超級直選嘅議員,話民意唔考慮就呃你嘅,但係如果話每次投票都一定要去睇民意,就唔合理囉。

「有勇氣佔領 為何沒勇氣妥協?」

廣告

李慧琼今早在商台節目中指,目前爭議的核心問題是「互信」,回歸後香港一些現象「令中央擔心」,「有啲嘢」出乎中央意料,包括人心久未回歸、國民教育、23條等基本的事也未能推行,強調要互相尊重,不能「自己講自己嗰套,唔去諗中央嘅擔心…如果你推建立互信嘅責任完全推畀中央政府,我覺得唔公道,中央政府做咗好大努力……邊邊熱、邊邊冷,市民有個答案。」李慧琼又形容,泛民有勇氣否決、市民有勇氣佔領是自殘,反問為何沒有勇氣去妥協、及與中央建立互信。

法政匯思召集人任建峰今午在facebook發言,回應李慧琼:

廣告

今早聽收音機,聽到李慧琼說,香港人未做得足夠去令到中央放心放多些民主給我們。不好意思。李女士想做奴隸是她的事。但我們是人民,不是奴隸。應該是當權者要取我們的信任、放心,而不是我們要去取當權者的信任、放心。沒有人民,當權者就沒有人及事去管治,遺留為在真空內的一個臭屁(即想搞臭都搞不成)。沒有人民,當權者就只是幾個個別人士,就算在空氣中消失都沒有人留意。沒有人民,當權者根本就當不到任何權。

人民才是老闆。而從宗教角度,人民再對上的老闆不是當權者,而是神/天主/上帝/阿拉/媽祖(etc etc,自己宗教自己填)。講完。

發表意見