立場新聞 Stand News

嬲嬲

2016/2/28 — 11:19

作者製圖

作者製圖

首先引用我一個溫和的舊同事的Facebook:「今日終於出番黎做我小市民唯一可對你做既野表下態,你條友搞到個香港甘,吾係吾嬲啊麻,從未試過甘on鳩追人啲post續個回應回應得甘情緒高漲,你係第一個。」

一個Facebook account不給大眾留言,通常只得幾條人留言,小明李家仁(通常單字:勁!、好!之前留言仲有佢自己張相),Winne Kam(通常叻叻手指同巧XX),其他自己搵泥睇。

廣告

我去奧巴馬個Page都有得留言啦,但我喺你個Page見到個Post「協助中產置業」之後,我真係好想留言:「喺一個『國際金融中心』,中產人仕都要政府『協助』先置到業,咁你呢個政府食得屎啦。」

我留唔到。

廣告

我真係留唔到。

所以呢次Facebook一出「嬲嬲」Icon,毫無懸念,你立即成為領導人的世界之最。

登入,search你個account,click 做嬲嬲,大概需時1分鐘。

100K既嬲嬲。

香港人明知咁樣只係嘥左嗰1分鐘,但係唔噤(手禁)條air又唔順。

所以你無啦啦嘥左我地全香港人10萬分鐘。

而之後仲唔知有幾多分鐘要為你去嘥。

如無意外,今日係新東補選投票日,從來只有兩個人需要選擇。

我地仲可以去投票,而香港投票率依然偏低,如果更多的人走出來投票的話,可以更清楚、更有實例話俾所有人知你既意願。

噤嬲嬲可能係好爽,但係其實投票更爽、更有作用。

發表意見