立場新聞 Stand News

【孫仔兵器】游說建制親友的長輩圖系列,認同請轉發!

2016/9/1 — 18:09

最後幾日,街頭巷尾,家家戶戶都在討論投票意向。昨天刊出的文章《選舉將至,游說建制親友的 5 大招式》建議了五個勸親友的可行方法。

仍然猶豫不決?在《孫仔兵法》之後,再送上《孫仔兵器》— 用來游說長輩的「長輩圖」系列,歡迎大家下載,send 去親戚 group,同阿爸阿媽詳細解說。

拿,要游說建制親友,最忌最忌就係離地。咩民主,咩普選,咩自決,咩本土,係好重要,但可以容後再談。選舉臨近,最重要是讓他們知道,投/不投某某候選人,有何利益/禍患。這些利益/禍患,最好當然是貼身。

廣告

以下,我們特選三大貼身議題,令大家可以貼身地同親友講解建制派帶來的禍害。

 

廣告

一、TSA

用法:將下圖傳給父母,話畀佢哋聽,佢哋的寶貝孫之所以成日咁大壓力,甚至無一個幸福童年,全因建制派!如果想寶貝孫兒開開心心,唔好再投票畀呢班人喇!

無仔女點算?不妨靠嚇:「媽,我知你好恨抱孫,但而家啲細路功課壓力咁大,我哋真係唔想生……你睇下呢班人……」

 

二、標準工時

用法:天下父母,邊個唔想多啲見仔女。可惜工作壓力大,又無標準工時,個個有開工無收工。呢個時候,你可以問問父母,「知唔知點解我成日遲放工,陪唔到你哋食飯?」然後亮出一張立法會「立法規管工時」議案表決紀錄。看看有哪些建制候選人當日反對/棄權議案。「就係因為佢哋!」

「阿媽,如果想我多啲返嚟食飯,唔好再投票畀佢哋喇。」苦口婆心 mode,打動媽媽。

 

三、鉛水事件

用法:有頭髮邊個想飲鉛水?偏偏有班人曾經在立法會否決用特權法調查鉛水事件。「媽,你都想長命百歲,身體健康架?但呢班人竟然反對查清楚點解會有鉛水喎……你怕唔怕飲到鉛水呀?怕,就唔好投票畀佢哋喇!」

 

總結:拿,唔好齋笑唔做,個個都話今年立法會選舉好危急,如果唔想九月五號個個一齊大叫「香港人最黑暗一天」,請及早行動。將這些圖分享與建制親友,勸他們回頭是岸,救得一票得一票!

發表意見